ദക്ഷിണ കേരളപ്പിറവി ആഘോഷിച്ചു

ചെന്നൈ : തമിഴ്‌നാട്ടിലെ മലയാളി സാന്നിധ്യം പ്രസക്തമാക്കുന്നതിൽ മലയാളമാധ്യമപ്രവർത്തകർ പ്രധാനപങ്ക് വഹിക്കുന്നുണ്ടെന്ന് ദക്ഷിണ പ്രസിഡന്റ് ഡോ സി.ജി. രാജേന്ദ്രബാബു അഭിപ്രായപ്പെട്ടു. കലാ സാംസ്‌കാരിക സംഘടനയായ ദക്ഷിണയുടെ കേരളപ്പിറവി ആഘോഷത്തിന്റെ ഭാഗമായി മാധ്യമ പ്രവർത്തകരെ ആദരിക്കുന്ന ചടങ്ങിൽ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.

ചെന്നൈയിലെ മലയാള മാധ്യമപ്രവർത്തകരായ കെ.എ. ജോണി, ആൻസൺ വത്സലൻ, ഷാജു ജോൺ, അഭിരാമി ബേബി, മനേഷ് മൂർത്തി എന്നിവരാണ് ദക്ഷിണയുടെ വേദിയിൽ ആദരമേറ്റുവാങ്ങിയത്.

ദക്ഷിണ സെക്രട്ടറി ജനറൽ പി.എൻ. ശ്രീകുമാർ, മുഖ്യ രക്ഷാധികാരി എസ്.എസ്. പിള്ള എന്നിവർ പ്രസംഗിച്ചു. മുരളീധർ ഷേണായ്, ഉഷാ രാജ് എന്നിവർ നയിച്ച സംഗീതനിശയും ഉണ്ടായിരുന്നു.

പി.എൻ രവി, കെ.വി.വി മോഹനൻ, ഡോ. നെടുങ്ങാടി ഹരിദാസ്, രജനി രാജ്നാരായണൻ, എം.എഫ്. ജോസ്, എം.പി അൻവർ, ബി.പി. മോഹൻദാസ്, എസ്. സന്തോഷ് കുമാർ, ഡോ. വി. ജയപ്രസാദ്, രജനി മനോഹർ, ബിന്ദു വേണുഗോപാൽ എന്നിവർ പരിപാടിക്ക് നേതൃത്വം നൽകി.