അടൂർ : എം.സി. റോഡിൽ യാത്രക്കാർ നേരിട്ടിരുന്ന ഇരട്ടപ്രതിസന്ധികളിൽ ഒന്നിന് പരിഹാരമായി. ഹൈസ്കൂൾ ജങ്ഷനുസമീപം ബൈപ്പാസിലേക്ക് തിരിയുന്നതിന് തൊട്ടുമുൻപുള്ള സൂചനാ ബോർഡിനരികിലെ വലിയ കുഴി കഴിഞ്ഞദിവസം അടച്ചു. കുഴിയടച്ച ആശ്വാസത്തിനിടയിലും യാത്രക്കാരെ വലയ്ക്കുന്നത് ദിശകൾ വ്യക്തമാകാത്ത വഴികാട്ടിയാണ്.
റോഡിലെ കുഴിയെപ്പറ്റി ഒക്ടോബർ 23-ന് ‘മാതൃഭൂമി’ വാർത്ത നൽകിയിരുന്നു. ഇതുശ്രദ്ധയിൽപ്പെട്ട ട്രാഫിക് എസ്.ഐ. ജി. സുരേഷ് കുമാർ കുഴി അടയ്ക്കണമെന്ന് ആവശ്യപ്പെട്ട് കെ.എസ്.ടി.പി.ക്ക് കത്ത് നൽകി. ഇതിന്റെ അടിസ്ഥാനത്തിലാണ് വലിയ കുഴി സിമന്റിട്ട് അടച്ചത്.
വഴികാട്ടി ബോർഡിൽ മലയാളത്തിലും ഇംഗ്ലീഷിലുമുള്ള അക്ഷരങ്ങൾ മാസങ്ങൾക്കുമുൻപേ മാഞ്ഞുതുടങ്ങിയതാണ്. ഇപ്പോൾ ശബരിമല, പത്തനംതിട്ട, തിരുവനന്തപുരം തുടങ്ങിയ സ്ഥലങ്ങളിലേക്കുള്ള ദിശകൾ തിരിച്ചറിയാൻ കഴിയില്ല. ശബരിമല സീസൺ ആരംഭിച്ചിട്ടും ബോർഡ് പുനഃസ്ഥാപിക്കാനോ അറ്റകുറ്റപ്പണി നടത്താനോ അധികൃതർ തയ്യാറായിട്ടില്ല. കോട്ടയം ഭാഗത്തുനിന്ന് എം.സി. റോഡ് വഴിയും കായംകുളം ഭാഗത്തുനിന്ന് കെ.പി. റോഡ് വഴിയും അടൂരിലെത്തുന്ന അന്യസംസ്ഥാന വാഹനയാത്രക്കാരാണ് ഇതുമൂലം ബുദ്ധിമുട്ടുന്നത്.
Published: 17 Nov 2026, 12:52 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented