തിരുപ്പൂർ : അവിനാശിയിൽ കാറിൽ ഇടിച്ചതിനെത്തുടർന്ന് ചരക്കുമായിപ്പോയ വാൻ മറിഞ്ഞ് ഏഴുപേർക്ക് സാരമായി പരിക്കേറ്റു.
വാൻ ഡ്രൈവർ കോയമ്പത്തൂർ സുളൂർ സ്വദേശി മൂർത്തി (36), അതിഥിത്തൊഴിലാളികളായ സഞ്ജയ് ഓറം (23), സുൻങ്കു ഓറം (25), ചാട്ടേശ്വർ സിങ് (25), സമീർ ഊരാൻ (19), രോഹിനാഥ് (17), വടിവേൽ (36) എന്നിവർക്കാണ് പരിക്കേറ്റത്. കോയമ്പത്തൂർ ഊത്തംപാളയത്തുനിന്ന് കോൺക്രീറ്റ് സ്ലാബുകളും സിമൻറ് ചാക്കുകളുമായി ഗോപിച്ചെട്ടിപ്പാളയത്തേക്ക് പോകുമ്പോഴാണ് അപകടം. മൂർത്തി ഓടിച്ച വാൻ മുന്നിൽ പോയ കാറിലിടിച്ച ശേഷം റോഡിലെ ഡിവൈഡറിലിടിച്ച് തലകീഴായി മറിയുകയായിരുന്നു.
പരിക്കേറ്റ ഡ്രൈവറെയും ആറ് തൊഴിലാളികളെയും തിരുപ്പൂർ സർക്കാർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കാറിന്റെ പിൻഭാഗത്തിന് ചെറിയ കേടുപാടുകൾ സംഭവിച്ചെങ്കിലും അതിലെ രണ്ട് യാത്രക്കാരും പരിക്കേൽക്കാതെ അത്ഭുതകരമായി രക്ഷപ്പെട്ടു. അവിനാശി പോലീസ് കേസെടുത്തു.
Published: 21 Nov 2026, 03:24 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented