ബെയ്ജിങ്: ചൈനയിലെ രഹസ്യ സൈനിക കേന്ദ്രത്തില് സന്ദര്ശനം നടത്തി പാകിസ്താന് പ്രസിഡന്റ് ആസിഫ് അലി സര്ദാരി. പാക് സൈന്യത്തിന്റെ ഭരണഘടനാപരമായ തലവന് കൂടിയായ അദ്ദേഹം ഞായറാഴ്ച ഏവിയേഷന് ഇന്ഡസ്ട്രി കോര്പ്പറേഷന് ഓഫ് ചൈനയിലാണ് (എവിഐസി) സന്ദര്ശനം നടത്തിയത്.
എവിഐസിയിലെ അത്യാധുനികമായ സൈനികോപകരണങ്ങളെക്കുറിച്ചും പ്രത്യേകിച്ച് പുതിയ യുദ്ധവിമാനങ്ങളെക്കുറിച്ചും അദ്ദേഹത്തിന് പ്രത്യേക വിവരണം ലഭിച്ചതായി പാക് മാധ്യമങ്ങള് റിപ്പോര്ട്ട് ചെയ്തു. ഇതാദ്യമായാണ് ഒരു വിദേശരാജ്യത്തലവന് ഈ കേന്ദ്രം സന്ദര്ശിക്കുന്നത്.
ജെ 10 യുദ്ധവിമാനം, പാകിസ്താനുമായി ചേര്ന്നുള്ള ജെഎഫ് -17 തണ്ടറിന്റെ നിര്മാണം, ജെ-20 സ്റ്റെല്ത്ത് അഞ്ചാം തലമുറ യുദ്ധവിമാനത്തിന്റെ നിര്മാണ പുരോഗതി എന്നിവ ഉള്പ്പെടെ എവിഐസിയുടെ അത്യാധുനിക ശേഷികളെക്കുറിച്ച് വിവരിച്ചുനൽകിയതായി അദ്ദേഹത്തിന്റെ ഓഫീസ് പുറത്തിറക്കിയ പ്രസ്താവനയില് അറിയിച്ചു. പത്തുദിവസത്തെ സന്ദര്ശനത്തിനാണ് സര്ദാരി ചൈനയിലെത്തിയിട്ടുള്ളത്.
സര്ദാരിയുടെ എവിഐസി സന്ദര്ശനവും പാക് പട്ടാള മേധാവി അസിം മുനീര് ഈയടുത്ത് നടത്തിയ ബെയ്ജിങ് സന്ദര്ശനവും ഓപ്പറേഷന് സിന്ദൂറില് സംഭവിച്ച സൈനികനഷ്ടങ്ങള്ക്ക് പകരം പുതിയവ കണ്ടെത്താനുള്ള പാക് സൈന്യത്തിന്റെ നീക്കമായാണ് വിലയിരുത്തപ്പെടുന്നത്.
Content Highlights: pakistan president asif ali zardaro visits secret military complex in china
Published: 15 Sept 2025, 09:45 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented