
ബെര്ലിന്: കഞ്ചാവ് ഉപയോഗം നിയമാനുസൃതമാക്കി ജര്മനി. ആരോഗ്യ സംഘടനകളുടെയും പ്രതിപക്ഷ പാര്ട്ടികളുടെയും പ്രതിഷേധങ്ങള് മറികടന്നാണ്ജര്മനി തീരുമാനമെടുത്തിരിക്കുന്നത്. നിയമം നടപ്പാക്കിയതിലൂടെ കഞ്ചാവ് നിയമാനുസൃതമാക്കുന്ന യൂറോപ്യന് യൂണിയനിലെ ആദ്യ രാജ്യമായി മാറുകയാണ് ജര്മനി.
18 വയസ്സിന് മുകളില് പ്രായമുള്ള ആര്ക്കും 25 ഗ്രാം ഉണക്ക കഞ്ചാവ് കൈയില് സൂക്ഷിക്കാനും മൂന്നുവരെ കഞ്ചാവ് ചെടികള് വീട്ടില് വളര്ത്താനും പുതിയ നിയമത്തില് അനുമതി നല്കുന്നുണ്ട്.യൂറോപ്യന് രാജ്യമായ മാള്ട്ടയും ലക്സംബര്ഗും കഞ്ചാവ് ഉപയോഗം നിയമാനുസൃതമാക്കിയതിനു പിന്നാലെയാണ് ജര്മനിയുടെ തീരുമാനം. കഞ്ചാവ് നിയമവിധേയമാക്കാനുള്ള ബില്ലിന് കഴിഞ്ഞ ഫെബ്രുവരിയിലാണ് ജര്മന് പാര്ലമെന്റ് അംഗീകാരം നല്കിയത്.
ബ്ലാക്ക് മാര്ക്കറ്റിലൂടെ ലഭിക്കുന്ന നിലവാരമില്ലാത്ത കഞ്ചാവ് ഉപയോഗിക്കുന്ന യുവാക്കളുടെ എണ്ണത്തിലുണ്ടായ വര്ധനവുണ്ട്. കഞ്ചാവിന്റെ ഉത്തരവാദിത്തപരമായ ഉപയോഗം സുഗമമാക്കുകയാണ് പുതിയ നിയമത്തിലൂടെ ലക്ഷ്യമിടുന്നതെന്നും ജര്മന് സര്ക്കാര് വ്യക്തമാക്കി.
ജര്മന് കനബീസ് ബിസിനസ് അസോസിയേഷന് പറയുന്നത് പ്രകാരം ബ്ലാക്ക് മാര്ക്കറ്റില് ലഭിക്കുന്ന കഞ്ചാവില് ആരോഗ്യത്തിന് വലിയ രീതിയില് ഹാനികരമാകുന്ന വസ്തുക്കള് കലര്ത്താറുണ്ട്.
അതേ സമയം കഞ്ചാവ് ഉപയോഗം നാഡീവ്യൂഹത്തിന്റെ വികാസത്തെ ബാധിക്കുമെന്ന് വിദഗ്ധരും മുന്നറിയിപ്പ് നല്കുന്നുണ്ട്. തുടര്ച്ചയായ ഉപയോഗം ശ്വാസകോശ സംബന്ധമായ അസുഖങ്ങള്ക്കും കാന്സറിനും കാരണമാകാം. ഇത് ശാരീരികവും മാനസികവുമായ ആരോഗ്യത്തെ തകര്ക്കുമെന്നും വിദഗ്ദര് പറയുന്നു.
വളരെക്കാലമായി നെതര്ലന്ഡ്സിലും കഞ്ചാവിന്റെ ഉപയോഗം നിയമവിധേയമാണ്. എന്നാല് കഴിഞ്ഞ കുറേ വര്ഷങ്ങളായി നെതര്ലന്ഡ്സിലെ ചില ഭാഗങ്ങളില് വിനോദസഞ്ചാരികള്ക്ക് കഞ്ചാവ് വില്ക്കുന്നതില് നിരോധനമുണ്ട്.
പുതിയ നിയമത്തിന്റെ ഭാഗമായി ജുലൈ ഒന്നുമുതല് ക്ലബുകളില് നിന്നും നിയമാനുസൃതമായി കഞ്ചാവ് വാങ്ങാന് സാധിക്കും. 500 അംഗങ്ങളടങ്ങുന്ന കൂട്ടായ്മയില് ഒരാള്ക്ക് ഒരുമാസം 50 ഗ്രാം കഞ്ചാവാകും നല്കുക.
Content Highlights: germany legalises use of cannabis across the country
Published: 01 Apr 2024, 02:52 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented