വിഴിഞ്ഞം: മീൻപിടിത്തത്തിനിടെ വള്ളത്തിൽ കുഴഞ്ഞുവീണ മത്സ്യത്തൊഴിലാളി ചികിത്സയിലിരിക്കെ മരിച്ചു. ചെറിയതുറ ഫിഷർമെൻ കോളനിയിൽ പരേതനായ വർഗീസിന്റെയും ഇസബെല്ലയുടെയും മകൻ സെബാസ്റ്റ്യൻ(49) ആണ് മരിച്ചത്.

To advertise here,

കഴിഞ്ഞ 24-ന് രാത്രി വിഴിഞ്ഞം കടലിൽവെച്ചായിരുന്നു അപകടം. വളളത്തിൽ കുഴഞ്ഞുവീണ സെബാസ്റ്റ്യനെ ഒപ്പമുണ്ടായിരുന്ന തൊഴിലാളികൾ ആദ്യം വിഴിഞ്ഞം ആശുപത്രിയിലും, നില വഷളായതിനെ തുടർന്ന് മെഡിക്കൽ കോളേജിലും പ്രവേശിപ്പിച്ചു. ചികിത്സയിലിരിക്കെ വെളളിയാഴ്ച രാത്രിയോടെ മരിച്ചു.

സംസ്‌ക്കാരം നടത്തി. വിഴിഞ്ഞം കോസ്റ്റൽ പോലീസ് കേസെടുത്തു. സഹോദരങ്ങൾ: ജോസ്, ആന്റണി, രാജു.