
കൊച്ചി: ലാവലിന് കേസില് ക്ലീന്ചിറ്റ് നല്കിയ ആദായ നികുതി വകുപ്പ് ഉന്നത ഉദ്യോഗസ്ഥന് വിരമിച്ച ശേഷം വര്ഷങ്ങളായി മുഖ്യമന്ത്രിയുടെ പേഴ്സണല് സ്റ്റാഫില് പ്രമുഖ സ്ഥാനത്തുള്ളത് ദുരൂഹമാണെന്ന് ഷോണ് ജോര്ജ്. ആര്. മോഹന് മുഖ്യമന്ത്രിയുടെ പേഴ്സണല് സ്റ്റാഫില് തുടരുന്നത് ഉദ്ദിഷ്ടകാര്യത്തിനുള്ള ഉപകാര സ്മരണയാണെന്നും ഷോണ് ആരോപിച്ചു. കൊച്ചിയില് മാധ്യമപ്രവര്ത്തകരെ കാണുകയായിരുന്നു ഷോണ്.
'2008-ല് ലാവലിന് കേസ് അന്വേഷിച്ച ആദായനികുതി വകുപ്പ് അഡിഷണല് ഡയറക്ടറായിരുന്ന ആര്. മോഹന് 2016 മുതല് മുഖ്യമന്ത്രിയുടെ പേഴ്സണല് സ്റ്റാഫില് സ്പെഷ്യല് ഓഫീസറായി ഉണ്ട്. പി. ശശി കഴിഞ്ഞാല് അടുത്തയാളാണ് മോഹന് എന്നാണ് രേഖകള് പറയുന്നത്. ഉദ്ദിഷ്ടകാര്യത്തിന് ഉപകാരസ്മരണ ആണെന്ന് സംശയിച്ചാല് ആര്ക്കും തെറ്റ് പറയാനാവില്ല,' - ഷോണ് പറഞ്ഞു.
'കമല ഇന്റര്നാഷണല് എന്നൊരു സ്ഥാപനം സിംഗപ്പൂരില് ഇല്ലെന്ന് അസിസ്റ്റന്റ്സ് സോളിസിറ്റര് ജനറല് ഓഫ് ഇന്ത്യയ്ക്ക് റിപ്പോര്ട്ട് നല്കിയത് മോഹനാണ്. ലാവലിന് ഉള്പ്പെടെയുള്ള ഇദ്ദേഹത്തിന്റെ മുന്കാല കേസുകളെക്കുറിച്ച് അന്വേഷിക്കണമെന്ന് ആവശ്യപ്പെട്ട് കേന്ദ്ര ധനകാര്യ മന്ത്രാലയത്തിന് ഉടന് കത്ത് നല്കും,' - ഷോണ് പറഞ്ഞു.
'ക്രൈം നന്ദകുമാര് നല്കിയ കേസിലാണ് ആര്. മോഹനന് മുഖ്യമന്ത്രിക്ക് ക്ലീന്ചിറ്റ് നല്കിയത്. ലാവ്ലിന് കേസില് എങ്ങനെ കുറ്റവിമുക്തനായി എന്നാണ് ഇതില് നിന്ന് വ്യക്തമാകുന്നത്. ആര്. മോഹനന് മുന്പ് നടത്തിയിട്ടുള്ള കാര്യങ്ങളെ സംബന്ധിച്ച് അന്വേഷിക്കണം,' - ഷോണ് ജോര്ജ് ആവശ്യപ്പെട്ടു.
Content Highlights: shaun george demands investigation on r mohan cm pinarayis personal staff
Published: 13 Feb 2024, 02:11 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented