കളമശ്ശേരി: 11 വർഷമായി വീട്ടുകാർ മകളെ പോലെ ഓമനിച്ചുവളർത്തിയിരുന്ന തത്ത 17-ന് രാവിലെ വീടുവിട്ട് പറന്നുപോയി. തത്തയെ കാണാതെ വീട്ടുകാർക്കൊപ്പം കൂട്ടുകാരായ രണ്ടു നായക്കുട്ടികൾ ഭക്ഷണം കഴിക്കാതെ സങ്കടം സഹിക്കാതെ വിഷമിക്കുന്നു.

To advertise here,

നായക്കുട്ടികളായ റിക്കി എന്ന മിൻപിന്നിന്റെയും രണ്ടുവയസ്സുള്ള സാൻഡി എന്ന പേരുള്ള ചിഹ്യുവയുടെയും സന്തത സഹചാരിയാണ് ബോബി എന്ന് വിളിപ്പേരുള്ള ചുവന്ന വാലുള്ള ഈ ആഫ്രിക്കൻ ഗ്രേ തത്ത.

വീട്ടുകാർ രാവിലെ പുറത്തുപോയാൽ പാട്ടുപാടിയും പപ്പ ഇപ്പൊ വരുമെന്ന് പറഞ്ഞ് നായക്കുട്ടികളെ സമാധാനിപ്പിക്കുന്നതും 11 വയസ്സുള്ള ഈ ചേച്ചി തത്തയായിരുന്നു.

നോർത്ത് കളമശ്ശേരി, ഫെറി റോഡ്, പിആർആർഎ 35-ൽ കിഴക്കേക്കര റോയ് മാത്യുവിന്റെയും കുടുംബത്തിലെയും ഒരംഗമാണീ തത്ത.