ചെന്നൈ: കഴിഞ്ഞ സാമ്പത്തികവർഷം കേരളത്തിലൂടെ 14 പുതിയതീവണ്ടി സർവീസുകൾ തുടങ്ങിയതായി ദക്ഷിണ റെയിൽവേ അറിയിച്ചു. മൂന്നുവണ്ടികൾ ദീർഘിപ്പിച്ചു. തമിഴ്‌നാട്ടിൽനിന്ന് 23-ഉം കർണാടകത്തിൽനിന്ന് 14-ഉം വണ്ടികൾ പുതുതായി തുടങ്ങി. ഇവയിൽ മിക്കതും ഒന്നിലധികം സംസ്ഥാനങ്ങളിലെ യാത്രക്കാർക്ക് പ്രയോജനം ചെയ്യുന്നതാണെന്ന് റെയിൽവേ ഞായറാഴ്ച പത്രക്കുറിപ്പിൽ അറിയിച്ചു.
ബെംഗളൂരുവിൽനിന്ന് എറണാകുളത്തേക്ക് നവംബർ എട്ടിന് തുടങ്ങിയ വന്ദേഭാരത് എക്സ്‌പ്രസാണ് 2025-26 സാമ്പത്തികവർഷം കേരളത്തിൽനിന്ന് തുടങ്ങിയ പ്രധാനവണ്ടി. 2026 ജനുവരി 23-ന് താംബരം-തിരുവനന്തപുരം അമൃത ഭാരത് എക്സ്‌പ്രസ് തുടങ്ങി. ചർലപ്പള്ളി-തിരുവനന്തപുരം അമൃതഭാരത് എക്സ്‌പ്രസ്, പാലക്കാട്-പൊള്ളാച്ചി മെമു, ഷൊർണൂർ-നിലമ്പൂർ മെമു, ഗുരുവായൂർ-തൃശ്ശൂർ പാസഞ്ചർ, എറണാകുളം-വേളാങ്കണ്ണി എക്സ്‌പ്രസ്, നാഗർകോവിൽ-മംഗളുരു അമൃത ഭാരത് എക്സ്‌പ്രസ്, മംഗളൂരു-തിരുനെൽവേലി എക്സ്‌പ്രസ്, രാമേശ്വരം-മംഗളൂരു എക്സ്‌പ്രസ്, കൊല്ലം-എറണാകുളം മെമു, തിരുവനന്തപുരം -മംഗളൂരു അന്ത്യോദയ എക്സ്‌പ്രസ്, കണ്ണൂർ-കോഴിക്കോട് പാസഞ്ചർ, പാലക്കാട്-കണ്ണൂർ എക്സ്‌പ്രസ് എന്നിവയാണ് മറ്റു വണ്ടികൾ. മംഗളൂരു-കണ്ണൂർ എക്സ്‌പ്രസ് പാലക്കാട്ടേക്കും ബെംഗളൂരു-കണ്ണൂർ എക്സ്‌പ്രസ് കോഴിക്കോട്ടേക്കും തിരുവനന്തപുരം-മധുര അമൃത എക്സ്‌പ്രസ് രാമേശ്വരത്തേക്കും നീട്ടി.
Content Highlights: 14 new train services introduced in Kerala during the 2025-26 fiscal year., Major additions include Vande Bharat and multiple Amrit Bharat Express trains., 3 existing train routes extended to improve connectivity., Southern Railway confirms regional benefits across Kerala, Tamil Nadu, and Karnataka.
Published: 15 Jun 2026, 08:12 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented