കൊച്ചി: ഫോർട്ട് കൊച്ചിയിലെ കോഡർ ഹൗസിൽ വൻതീപ്പിടിത്തം. അഗ്നിശമന സേനകൾ സ്ഥലത്തെത്തി തീ അണയ്ക്കാൻ ശ്രമിക്കുന്നു. ചരിത്രപ്രാധാന്യമുള്ള കെട്ടിടമായ കൊഡർ ഹൗസ് നിലവിൽ ഹോട്ടലായാണ് പ്രവർത്തിക്കുന്നത്.

To advertise here,

ഫോർട്ട് കൊച്ചിയിലെ ടവർ റോഡിൽ സ്ഥിതിചെയ്യുന്ന കൊഡർ ഹൗസ്, ഇൻഡോ-പോർച്ചുഗീസ് ശൈലിയിൽ നിർമിച്ച പൈതൃക കെട്ടിടമാണ്. ഇപ്പോൾ ബോട്ടിക് ഹോട്ടലാണ് ഇവിടെ പ്രവർത്തിക്കുന്നത്. 200 വർഷത്തോളം പഴക്കമുള്ള മൂന്നുനില കെട്ടിടമാണിത്.

കൊച്ചിയിലെ ജൂത സമൂഹത്തിന്റെയും കോഡർ കുടുംബത്തിന്റെയും ചരിത്രപരമായ പാരമ്പര്യത്തെ പ്രതിനിധീകരിക്കുന്ന ഈ കെട്ടിടം ഫോർട്ട് കൊച്ചിയുടെ വാസ്തുവിദ്യാപരവും സാംസ്കാരികവുമായ പ്രാധാന്യം വിളിച്ചോതുന്നു.