എറണാകുളം: മുനമ്പം വഖഫ് ഭൂമിപ്രശ്നം പരിഹരിക്കാനുള്ള ജുഡീഷ്യല് കമ്മീഷന് അന്വേഷണ റിപ്പോര്ട്ട് വൈകിക്കില്ലെന്ന് ജസ്റ്റിസ് സി.എന് രാമചന്ദ്രന് നായര്. സമാധാനപരമായി പ്രശ്നം പരിഹരിക്കുകയാണ് ലക്ഷ്യം. മുനമ്പത്തെ ജനങ്ങള് കമ്മീഷനോട് സഹകരിക്കണമെന്നും ജസ്റ്റിസ് സി.എന് രാമചന്ദ്രന് നായര് മാതൃഭൂമി ന്യൂസിനോട് പറഞ്ഞു.
കമ്മീഷന്റെ അന്വേഷണ മേഖല എന്താണെന്നത് മനസ്സിലാക്കി വരുന്നതേയുള്ളു. ഇത് തീരുമാനിക്കേണ്ടത് സര്ക്കാരാണ്. റിപ്പോര്ട്ട് പെട്ടെന്ന് കൊടുക്കണമെന്നാണ് ലക്ഷ്യമിടുന്നത്. അതിന് തല്പര കക്ഷികളുടെ പൂര്ണമായ സഹകരണം വേണം. പ്രശ്നബാധിതര് അവരുടെ പ്രശ്നങ്ങള് കൃത്യമായി കമ്മീഷനെ അറിയിക്കുകയും ബന്ധപ്പെട്ട രേഖകള് ഹാജരാക്കുകയും വേണം. കമ്മീഷനോട് സഹകരിച്ചാല് മാത്രമേ കമ്മീഷന് സമയത്ത് പ്രവര്ത്തനം പൂര്ത്തിയാക്കാന് സാധിക്കുകയുള്ളു.
സര്ക്കാര് ഈ വിഷയത്തിന് വലിയ പ്രാധാന്യമാണ് കൊടുക്കുന്നതെന്നാണ് മനസ്സിലാകുന്നത്. ജനങ്ങളുടെ അവകാശം സംരക്ഷിക്കുക എന്നതാണ് സര്ക്കാരിന്റെയും കമ്മീഷന്റെയും ഉത്തരവാദിത്വമെന്നും ജസ്റ്റിസ് സി.എന് രാമചന്ദ്രന് നായര് പറഞ്ഞു.
Content Highlights: justice cn ramachandran nair munambam judicial commission
Published: 22 Nov 2024, 09:09 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented