ന്യൂഡല്‍ഹി: എല്ലാ കോവിഡ് രോഗികളും വൈദ്യപരിശോധനയ്ക്കായി സര്‍ക്കാര്‍ കേന്ദ്രങ്ങളില്‍ എത്തണമെന്ന നിയമം കേന്ദ്രസര്‍ക്കാര്‍ എടുത്തു കളയണമെന്ന ആവശ്യമുയര്‍ത്തി ഡല്‍ഹി ഉപമുഖ്യമന്ത്രി മനീഷ് സിസോദിയ. ഇതേ ആവശ്യമുന്നയിച്ച് ലഫ്റ്റനന്റ് ഗവര്‍ണര്‍ അനില്‍ ബായ്ജാലിന് കത്തെഴുതിയിട്ടുണ്ടെന്നും പ്രതികരണത്തിനായി കാത്തിരിക്കുകയാണെന്നും സിസോദിയ പറഞ്ഞു.
"ഇത് അമിത്ഷായുടെ മോഡലും കെജ്‌രിവാളിന്റെ മോഡലും തമ്മിലുള്ള പോരാട്ടമല്ല. ജനങ്ങള്‍ ബുദ്ധിമുട്ടനുഭവിക്കാത്ത സംവിധാനമാണ് നമ്മള്‍ പ്രാവര്‍ത്തികമാക്കേണ്ടത്." സിസോദിയ പറഞ്ഞു.
പുതിയ സംവിധാനം കാരണം ജനങ്ങള്‍ പല തരത്തിലുള്ള ബുദ്ധിമുട്ടുകള്‍ അനുഭവിക്കുന്നുണ്ട്. ജില്ലാ അധികാരികള്‍ കോവിഡ് രോഗിയുടെ വീട് സന്ദര്‍ശിച്ച് വൈദ്യപരിശോധന നടത്തുന്ന പഴയ രീതി പുനഃസ്ഥാപിക്കണമെന്നും സിസോദിയ പറഞ്ഞു.
content highlights: implement system in which people don't face problems says Sisodia
Published: 24 Jun 2020, 03:17 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented