കൂത്താട്ടുകുളം(എറണാകുളം): ഗൂഗിൾ മാപ്പ് നോക്കി കോട്ടയം ഭാഗത്തുനിന്നും മൂവാറ്റുപുഴയ്ക്ക് പോവുകയായിരുന്ന വലിയ കണ്ടെയ്നർ ലോറി കൂത്താട്ടുകുളം ഹൈസ്കൂൾ റോഡിൽ ശിവക്ഷേത്രത്തിന് സമീപത്തുള്ള വളവിൽ കുരുങ്ങി. ബുധനാഴ്ച രാത്രി 12-നാണ് സംഭവം.

To advertise here,

ഗൂഗിൾ മാപ്പിൽ കൂത്താട്ടുകുളത്തു നിന്നും മൂവാറ്റുപുഴയ്ക്കുള്ള എളുപ്പവഴി വീതികുറഞ്ഞ് വളവുകളോടുകൂടിയ ഹൈസ്കൂൾ-ശിവക്ഷേത്രം റോഡാണ്.

ക്ഷേത്രമതിലിനോട് ചേർന്നുള്ള വലിയ വളവിൽ വാഹനം തിരിക്കാനാകാതെ കുടുങ്ങി. കണ്ടെയ്നറിന്റെ മുൻഭാഗം തിരിഞ്ഞതിനുശേഷമാണ് ഡ്രൈവർക്ക് വണ്ടി മുന്നോട്ടുപോകുകയില്ല എന്ന് മനസ്സിലായത്. ഒരു മണിക്കൂറോളം ഗതാഗതം പൂർണമായും സ്തംഭിച്ചു. ബൈക്ക്, കാർ യാത്രക്കാരും നാട്ടുകാരും സഹായിച്ചാണ് വാഹനം നീക്കാൻ കഴിഞ്ഞത്.