വടക്കാഞ്ചേരി: ഉത്രാളിക്കാവ് ക്ഷേത്രത്തിനു മുന്‍വശത്ത് സംസ്ഥാനപാതയിലെ വളവില്‍ ചൊവ്വാഴ്ച രാവിലെ അപകടകരമായി വാഹനത്തെ മറികടന്ന ബസ്ഡ്രൈവറുടെ ലൈസന്‍സ് സസ്പെന്‍ഡ് ചെയ്തു. തൃശ്ശൂര്‍-പാലക്കാട് റൂട്ടില്‍ സര്‍വീസ് നടത്തുന്ന ലക്ഷ്മി ബസിലെ ഡ്രൈവര്‍ മിണാലൂര്‍ സജീവിന്റെ(33) ലൈസന്‍സാണ് സസ്പെന്‍ഡ് ചെയ്തത്.
തെറ്റായ ദിശയില്‍ അപകടകരമായി വാഹനം ഓടിച്ചതിന് കേസെടുത്ത് കോടതിക്ക് നല്‍കും. ഇതിനു പുറമേ, മോട്ടോര്‍ വാഹനവകുപ്പിന്റെ പരിശീലനക്ലാസില്‍ പങ്കെടുക്കണം. സസ്പെന്‍ഷന്‍ പിന്‍വലിക്കണമെങ്കില്‍ റോഡുസുരക്ഷ സംബന്ധിച്ച വാഹനവകുപ്പിന്റെ നിയമങ്ങള്‍ പഠിച്ച് പരീക്ഷകൂടി പാസാകണമെന്നാണ് മറ്റൊരു നിബന്ധന.
വളവുകളിലെ സിസിടിവി ക്യാമറകള്‍ പരിശോധിച്ച് കൂടുതല്‍ ഡ്രൈവര്‍മാര്‍ക്കെതിരേ നടപടിയുണ്ടാകുമെന്ന് ജോയിന്റ് ആര്‍ടിഒ പറഞ്ഞു. ഉത്രാളിയിലെ വളവില്‍ വാഹനത്തെ മറികടന്നുവന്ന ബസിന്റെ മുന്‍പില്‍നിന്ന് ചൊവ്വാഴ്ച രാവിലെ തലനാരിഴയിടയ്ക്കാണ് സ്‌കൂട്ടര്‍യാത്രക്കാരി രക്ഷപ്പെട്ടത്.
Content Highlights: A bus driver`s license was suspended after dangerously overtaking a vehicle on a curve
Published: 03 Jul 2025, 07:43 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented