വണ്ടൂർ മണ്ഡലത്തിൽനിന്ന് 2001 മുതൽ ആറുതവണ നിയമസഭാംഗമായ എ.പി. അനിൽ കുമാർ ഇത് മൂന്നാംതവണയാണ് മന്ത്രിയാവുന്നത്. ആദ്യമത്സരം 1996-ൽ തൃത്താലയിലായിരുന്നെങ്കിലും പരാജയപ്പെട്ടു. പെരിന്തൽമണ്ണ പി.ടി.എം. ഗവ. കോളേജിൽനിന്ന് പ്രീഡിഗ്രി പാസായ അദ്ദേഹം അവിടെ യൂണിയൻ ചെയർമാനായിരുന്നു.

To advertise here,

കെ.എസ്.യു. ജില്ലാ സെക്രട്ടറി, യൂത്ത് കോൺഗ്രസ് സംസ്ഥാന ജനറൽസെക്രട്ടറി എന്നീ സ്ഥാനങ്ങൾ വഹിച്ചു. കെ.പി.സി.സി. അംഗം, എ.ഐ.സി.സി. അംഗം തുടങ്ങിയ നിലകളിൽ പ്രവർത്തിച്ച അദ്ദേഹം നിലവിൽ കെ.പി.സി.സി. വർക്കിങ് പ്രസിഡന്റാണ്. എ.പി. ബാലൻ്റെയും കെ.സി. ദേവകിയുടെയും മകനാണ്. മലപ്പുറം മുണ്ടുപറമ്പിലാണ് താമസം. ഭാര്യ: പി. പ്രസീജ. മക്കൾ : അർജുൻ, അമൻ.