പൊന്നാനി: ഭിന്നശേഷിക്കാര്ക്ക് പുതുശേഷി പകരാന് സംസ്ഥാനത്താകെ ഖാദി വില്പ്പനശാലകള് ഒരുങ്ങുന്നു. ഭിന്നശേഷി ക്ഷേമ കോര്പ്പറേഷനും ഭാരതീയ ഖാദി ഗ്രാമ വ്യവസായ സഹകരണസംഘവും ചേര്ന്നാണ് പദ്ധതി നടപ്പാക്കുന്നത്. എബിലിറ്റി ബിയോണ്ട് ലിമിറ്റ്സ് പദ്ധതിയുടെ ഭാഗമായി 'ഏബിള് പോയിന്റ്' എന്ന പേരിലാണ് എല്ലാ ജില്ലയിലും വില്പ്പനശാലകള് തുറക്കുന്നത്.
ഖാദി ഉത്പന്നങ്ങളുടെ വിപണനകേന്ദ്രങ്ങളായി ഓരോ 'ഏബിള് പോയിന്റും' പ്രവര്ത്തിക്കും. ഖാദി ബോര്ഡിന്റെ പിന്തുണയുള്ള മൈക്രോ യൂണിറ്റുകള്ക്ക് പ്രോത്സാഹനം നല്കുന്നതിനൊപ്പം, അവയുടെ ഉത്പന്നങ്ങള് വിപണിയിലെത്തിക്കുന്നതിനുള്ള കേന്ദ്രങ്ങളായും ഈ വില്പ്പനശാലകള് മാറും.
ഭിന്നശേഷിക്കാര്ക്കു പുറമേ മാനസികവെല്ലുവിളി നേരിടുന്നവര്, ഈ രോഗം ഭേദമായവര്, ബൗദ്ധിക വെല്ലുവിളി നേരിടുന്ന വ്യക്തികളുടെ രക്ഷാകര്ത്താക്കള് എന്നിവര്ക്കും പദ്ധതിയിലൂടെ തൊഴില് നല്കും.
ജനസാന്ദ്രതയുള്ള സ്ഥലങ്ങള്, ജില്ലാ ഭരണകൂട കേന്ദ്രങ്ങള്, തദ്ദേശ സ്വയംഭരണ സ്ഥാപനങ്ങള്, ജില്ല, താലൂക്ക് ആശുപത്രി പരിസരങ്ങള് എന്നിവിടങ്ങളിലെ ഒഴിഞ്ഞുകിടക്കുന്ന സ്ഥലം 'ഏബിള് പോയിന്റ്' വില്പ്പനശാലകള്ക്കായി ഉപയോഗിക്കും. വിനോദസഞ്ചാരകേന്ദ്രങ്ങളിലും പ്രമുഖ ആരാധനാലയ പരിസരങ്ങളിലും യൂണിറ്റുകള് തുടങ്ങും.
Content Highlights: able point for differentially abled in all districts
Published: 04 Apr 2025, 08:34 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented