പുതുച്ചേരി: എച്ച്3എന്2 വൈറസ് കേസുകള് വര്ദ്ധിക്കുന്നതിനിടെ സ്കൂളുകള് അടച്ചിടാന് തീരുമാനിച്ച് പുതുച്ചേരി. ഒന്ന് മുതല് എട്ട് വരെ ക്ലാസുകളിലെ വിദ്യാര്ഥികള്ക്ക് 11 ദിവസത്തേക്കാണ് അവധി നല്കിയിരിക്കുന്നത്. മാര്ച്ച് 16 മുതല് 26 വരെയാണ് അവധി.
സ്കൂള് വിദ്യാഭ്യാസ വകുപ്പ് കൈകാര്യം ചെയ്യുന്ന ആഭ്യന്തര മന്ത്രി എ നമശ്ശിവായമാണ് നിയമസഭയില് ഇക്കാര്യം അറിയിച്ചത്. 15 വയസ്സിന് താഴെയുള്ള കുട്ടികള്ക്ക് വൈറല് പനി പിടിപെടാനുള്ള സാധ്യത കൂടുതലാണെന്ന് ആരോഗ്യ കുടുംബക്ഷേമ ഡയറക്ടറേറ്റ് അറിയിച്ചതിനെ തുടര്ന്നാണ് സര്ക്കാര് അവധി പ്രഖ്യാപിച്ചതെന്നും അദ്ദേഹം പറഞ്ഞു.
ജനുവരിയില് 35 എച്ച്3എന്2 വൈറസ് കേസുകളാണ് പുതുച്ചേരിയില് റിപ്പോര്ട്ട് ചെയ്തിരിക്കുന്നത്. ഫെബ്രുവരിയില് 35 ഉം മാര്ച്ചില് ഇതിനോടകം 25 കേസുകള് റിപ്പോര്ട്ട് ചെയ്തിട്ടുണ്ടെന്നും പുതുച്ചേരി ആരോഗ്യ വകുപ്പ് പറയുന്നു. നിലവില് ആറ് കുട്ടികളടക്കം 11 പേര് ആശുപത്രിയില് ചികിത്സയിലുണ്ടെന്നാണ് അധികൃതര് പറയുന്നത്.
Content Highlights: schools in Puducherry to remain closed from 16th to 26th March in wake of spread of H3N2 virus
Published: 15 Mar 2023, 03:19 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented