മുംബൈ: ലോക്സഭാ തിരഞ്ഞെടുപ്പില് രാഹുല് ഗാന്ധി ഉത്തര്പ്രദേശിലെ അമേഠിയില് നിന്ന് തന്നെ മത്സരിക്കുമെന്ന പ്രതീക്ഷ വീണ്ടും പങ്കുവച്ച് യു.പി. കോണ്ഗ്രസ് അധ്യക്ഷന് അജയ് റായ്. മുംബൈ കോണ്ഗ്രസ് അധ്യക്ഷ വര്ഷ ഗെയ്ക്വാദിനൊപ്പം നടത്തിയ വാര്ത്താ സമ്മേളനത്തിലാണ് അദ്ദേഹം ഇക്കാര്യം പറഞ്ഞത്.
'ഗാന്ധി കുടുംബം തലമുറകളായി അമേഠിയിലെ ജനങ്ങള്ക്ക് വേണ്ടി പ്രവര്ത്തിക്കുന്നവരാണ്. രാഹുല് ഗാന്ധി തീര്ച്ചയായും അമേഠിയില് നിന്ന് തന്നെ മത്സരിക്കും.' -അജയ് റായ് പറഞ്ഞു.
വാര്ത്താ സമ്മേളനത്തില് ബി.ജെ.പിക്കെതിരെ രൂക്ഷമായ വിമര്ശനവും അജയ് റായ് ഉന്നയിച്ചു. 'അയോധ്യയിലെ രാമക്ഷേത്ര നിര്മ്മാണം വിശ്വാസവുമായി ബന്ധപ്പെട്ട കാര്യമാണ്. അല്ലാതെ മഹാസംഭവമാക്കേണ്ട കാര്യമല്ല. മതിയായ വിശ്വാസമുണ്ടെങ്കില് ഒരു വിളക്കോ ഒരു പൂവോ തന്നെ ധാരാളമാണ്. എന്നാല് ബി.ജെ.പി. ഇതൊരു മഹാസംഭവമാക്കി ചിത്രീകരിച്ച് ജനങ്ങളെ വിഡ്ഢികളാക്കുകയാണ്.' -അദ്ദേഹം പറഞ്ഞു.
'ഉത്തര്പ്രദേശിലെ രാഷ്ട്രീയക്കാര് അസ്വസ്ഥരാണ്. അവര് ഹലാലിനെ കുറിച്ചും മദ്രസയെ കുറിച്ചും പറയുന്നു. പക്ഷേ ഒരിക്കലും തൊഴിലില്ലായ്മയെ കുറിച്ചും ഗ്യാസ് വിലയെ കുറിച്ചും വര്ധിച്ചുവരുന്ന പണപ്പെരുപ്പത്തെ കുറിച്ചും സംസാരിക്കുന്നില്ല. ഹലാല് പ്രശ്നം ന്യൂനപക്ഷത്തെ ഉപദ്രവിക്കാന് മാത്രമായുള്ളതാണ്.' -അജയ് റായ് പറഞ്ഞു.
Content Highlights: Rahul Gandhi will contest from Amethi lok sabha constituency says UP Congress chief Ajay Rai
Published: 21 Nov 2023, 10:14 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented