പശുവിനെ കശാപ്പുചെയ്താല്‍ ഭൂകമ്പം; നാടന്‍ പശുവിന്റെ പാലില്‍ സ്വര്‍ണം - പശുശാസ്ത്ര പരീക്ഷ സിലബസ്


പ്രതീകാത്മക ചിത്രം | ഫോട്ടോ: എ.പി.

ന്യൂഡൽഹി: രാഷ്ട്രീയ കാമധേനു ആയോഗ് ഫെബ്രുവരി 25ന് നടത്തുന്ന രാജ്യത്തെ ആദ്യ പശു ശാസ്ത്ര പരീക്ഷയുടെ സിലബസ് പുറത്തുവന്നു. നാടൻ പശുവിന്റെ പാലിൽ സ്വർണത്തിന്റെ അംശങ്ങളുണ്ടെന്നും പശുവിനെ കശാപ്പുചെയ്യുന്നത് കാരണമാണ് ഭുകമ്പം ഉണ്ടാകുന്നെന്നും സിലബസിൽ പറയുന്നു.

1984ൽ ഭോപ്പാലിലുണ്ടായ വിഷവാതക ദുരന്തത്തിൽ 20,000ത്തിലേറേ ആളുകൾ മരിച്ചു. എന്നാൽ ചാണകം മെഴുകിയ ചുമരുകളുള്ള വീടുകളിൽ താമസിച്ചവരെ വിഷവാതകം ബാധിച്ചില്ലെന്നും കാമധേനു ആയോഗ് തയ്യാറാക്കിയ പശു ശാസ്ത്ര പരീക്ഷ സിലബസിൽ അവകാശപ്പെടുന്നു.

നാടൻ പശുക്കൾ കരുത്തുള്ളവയും ബുദ്ധിശാലികളുമാണ്. അവ മലിനമായ സ്ഥലങ്ങളിൽ ഇരിക്കില്ല. അതേസമയം ജഴ്സി പശുക്കൾ അലസരും പെട്ടെന്ന് രോഗം പിടിപെടുന്നവയുമാണ്. ശുചിത്വമില്ലാത്തതിനാൽ ഇവയ്ക്ക് അണുബാധയുണ്ടാകുമെന്നും സിലബസിലുണ്ട്. അപരിചിതരായ ആരെങ്കിലും നാടൻ പശുവിന് സമീപത്തേക്ക് വന്നാൽ അവ പെട്ടെന്ന് ചാടിഎഴുന്നേൽക്കും. എന്നാൽ വിദേശ പശുക്കൾ വികാരങ്ങളൊന്നും പ്രകടിപ്പിക്കില്ലെന്നും സിലബസിൽ പറയുന്നു.

കാമധേനു ഗോ വിജ്ഞാൻ പ്രചാർ-പ്രസാർ എക്സാമിനേഷൻ എന്നാണ് പശുശാസ്ത്ര പരീക്ഷയുടെ പേര്. ഓൺലൈൻ വഴിയാണ് പരീക്ഷ നടക്കുക. പ്രൈമറി, സെക്കൻഡറി, കോളേജ് തലങ്ങളിലുള്ള വിദ്യാർഥികൾക്കും പൊതുജനങ്ങൾക്കും പരീക്ഷയിൽ പങ്കെടുക്കാം. ഒബ്ജക്ടീവ് ടൈപ്പ് ചോദ്യങ്ങളാണുണ്ടാവുക. പരീക്ഷയിൽ പാസാകുന്നവർക്ക് പശു വിദഗ്ധ സർട്ടിഫിക്കറ്റ് നൽകുമെന്നും അധികൃതർ പറഞ്ഞു.

content highlights:Gold in desi cow milk, earthquakes due to slaughter in syllabus for national cow exam

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022


Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022

Most Commented