ന്യൂഡല്ഹി: ലോകത്തിലെ ഏറ്റവും സമ്പന്നരായ 20 പേരുടെ പട്ടികയില് വീണ്ടും ഇടം നേടി അദാനി ഗ്രൂപ്പ് ചെയര്മാനും ശതകോടീശ്വരനുമായ ഗൗതം അദാനി. മൊത്തം ആസ്തിയില് 5.74 ബില്യണ് ഡോളര് ( 5.03 ലക്ഷം കോടി രൂപ) വര്ധന ഉണ്ടായതോടെയാണ് പട്ടികയിലേക്ക് തിരിച്ചെത്തിയത്. ബ്ലൂംബര്ഗ് ബില്യണിയേഴ്സ് ഇന്ഡെക്സിന്റെ കണക്ക് പ്രകാരം 79.7 ബില്യണ് ഡോളറാണ് ( ഏകദേശം 6.98 ലക്ഷം കോടി രൂപ) അദാനിയുടെ മൊത്തം ആസ്തി.
ആഗോളവിപണിയില് തിങ്കളാഴ്ച ഏറ്റവും നേട്ടം കൊയ്ത വ്യവസായികളിലൊരാളാണ് അദാനി. ടെസ്ലയ്ക്കും സ്പേസ് എക്സ് സിഇഒ ഇലോണ് മസ്കിനും തൊട്ടുപിന്നില് നിലയുറപ്പിക്കാന് അദാനിയ്ക്കായി. 6.69 ബില്യണ് ഡോളറാണ് ( ഏകദേശം 58607 കോടി രൂപ) മസ്കിന്റെ നേട്ടം. ഇതോടെ മസ്കിന്റെ മൊത്തം ആസ്തി 378 ബില്യണ് ഡോളറായി ( ഏകദേശം 33.11 ലക്ഷം കോടി രൂപ). പട്ടികയില് പ്രഥമസ്ഥാനം മസ്കിനാണ്.
ലോകസമ്പന്നരുടെ പട്ടികയില് രണ്ടാം സ്ഥാനത്ത് ഒറാക്കിളിന്റെ ലാറി എലിസണ് ആണ്. 305 ബില്യണ് ഡോളറാണ് ( ഏകദേശം 29.71 ലക്ഷം കോടി രൂപ) ലാറിയുടെ ആസ്തി. 269 ബില്യണ് ഡോളറുമായി ( ഏകദേശം 23.56 ലക്ഷം കോടി രൂപ) മെറ്റയുടെ മാര്ക്ക് സക്കര്ബര്ഗ് മൂന്നാമതും 243 ബില്യണ് ഡോളറുമായി ( ഏകദേശം 21.28 ലക്ഷം കോടി രൂപ) ആമസോണിന്റെ ജെഫ് ബെസോസ് നാലാം സ്ഥാനത്തുണ്ട്. ഇന്ത്യയിലെ ഏറ്റവും സമ്പന്നവ്യവസായി മുകേഷ് അംബാനി 99.5 ബില്യണ് ഡോളര് (ഏകദേശം 8.71 ലക്ഷം കോടി രൂപ) ആസ്തിയുമായി 18-ാം സ്ഥാനത്തുണ്ട്.
Content Highlights: Gautam Adani`s net worth surges by $5.74 billion, placing him back among the world`s top 20 richest
Published: 12 Aug 2025, 09:52 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented