ന്യൂഡൽഹി: കമ്പനി കമാൻഡറെ വധിക്കുമെന്ന് സാമൂഹിക മാധ്യമത്തിലൂടെ ഭീഷണിപ്പെടുത്തിയ സി.ആർ.പി.എഫ്. ജവാനെ സർവീസിൽനിന്ന് പിരിച്ചുവിട്ടു. അസം സ്വദേശിയായ പ്രൊബേഷണറി കോൺസ്റ്റബിൾ പിനാക് നാഥിനെയാണ് പുറത്താക്കിയത്.

To advertise here,

ജമ്മു-കശ്മീരിലെ ദോഡ ആസ്ഥാനമായുള്ള സി.ആർ.പി.എഫ്. 33-ാം ബറ്റാലിയനിലെ ആൽഫ കമ്പനി അംഗമായിരുന്നു പിനാക് നാഥ്. ഈയിടെയാണ് ഇദ്ദേഹം ജോലിയിൽ പ്രവേശിച്ചത്. മറ്റൊരു സേനയിലെ ജവാൻ സർവീസ് തോക്ക് ഉപയോഗിച്ച് മേലുദ്യോഗസ്ഥനെയും സഹപ്രവർത്തകരെയും വെടിവെച്ചുകൊന്ന സമീപകാല സംഭവം ചൂണ്ടിക്കാട്ടിയായിരുന്നു ഇയാളുടെ ഭീഷണി. കമ്പനി കമാൻഡറെ കൊലപ്പെടുത്തിയ ശേഷം താൻ ജീവനൊടുക്കുമെന്നായിരുന്നു സാമൂഹികമാധ്യമപോസ്റ്റ്.

സംഭവത്തെ തുടർന്ന് ബറ്റാലിയൻ കമാൻഡിങ് ഓഫീസർ അന്വേഷണം നടത്തുകയും ഇയാളെ സർവീസിൽനിന്ന് പിരിച്ചുവിട്ടതായി അറിയിക്കുകയുമായിരുന്നു.