ചെന്നൈ: മുതുമല കടുവാ സങ്കേതത്തിൽ കടുവയുടെ പിന്നാലെ ഓടിയ മന്ത്രി വണ്ണി അരശിന്റെ പേരിൽ നടപടിയാവശ്യപ്പെട്ട് ദേശീയ കടുവാ സംരക്ഷണ അതോറിറ്റി (എൻ.ടി.സി.എ.)യ്ക്കു പരാതി. മന്ത്രിക്കെതിരേ നടപടി വേണമെന്ന് വിവിധ രാഷ്ട്രീയനേതാക്കളും ആവശ്യപ്പെട്ടു.

To advertise here,

മന്ത്രിയും കുടുംബവും അനധികൃതമായി കടുവാസങ്കേതത്തിൽ പ്രവേശിച്ചെന്നും സംരക്ഷിത വന്യജീവികൾക്ക് ശല്യമുണ്ടാക്കുന്നരീതിയിൽ പെരുമാറിയെന്നു കാണിച്ച് 'വി ദ ലീഡേഴ്‌സ്' ഫൗണ്ടേഷന്റെ ബി. വിക്രമാണ് എൻ.ടി.സി.എ.യ്ക്ക് പരാതി നൽകിയത്.

മന്ത്രിയുടെ പേരിൽ നടപടി വേണമെന്ന് എ.എം.എം.കെ. നേതാവ് ടി.ടി.വി. ദിനകരനും ബി.ജെ.പി. നേതാവ് നാരായൺ തിരുപ്പതിയും ആവശ്യപ്പെട്ടു.

കഴിഞ്ഞദിവസം നീലഗിരി സന്ദർശനവേളയിലാണ് മന്ത്രി വണ്ണി അരശ് കടുവയുമൊത്തുള്ള വീഡിയോ സാമൂഹികമാധ്യമങ്ങളിൽ പങ്കുവെച്ചത്. ബന്ദിപുർ കടുവാ സങ്കേതത്തിൽനിന്നുള്ള ആനയുടെ ദൃശ്യവും അതോടൊപ്പമുണ്ടായിരുന്നു. മന്ത്രി താമസിച്ച റിസോർട്ടിന്റെ സമീപത്തുനിന്നാണ് കടുവയുടെ വീഡിയോ എടുത്തതെന്നും മുതുമല കടുവാ സങ്കേതത്തിൽനിന്നുള്ള ദൃശ്യമല്ല അതെന്നുമാണ് വനംവകുപ്പിന്റെ വിശദീകരണം.