ന്യൂഡൽഹി: പ്രതിപക്ഷനേതാവ് രാഹുൽ ഗാന്ധി ഇന്ത്യയിലെ ജനാധിപത്യ വ്യവസ്ഥിതിയിൽ വിദേശ ഇടപെടൽ ആഗ്രഹിക്കുന്നുവെന്ന് ബി.ജെ.പി.. ഭാരത് ഉച്ചകോടിയിൽ, മോദിസർക്കാരിനെ താഴെ ഇറക്കാൻ വിദേശ പ്രതിനിധികളോട് രാഹുൽ ഗാന്ധി യാചിക്കുകയായിരുന്നുവെന്നും ബി.ജെ.പി. ആരോപിച്ചു.
തെലങ്കാനസർക്കാർ സംഘടിപ്പിച്ച ഭാരത് ഉച്ചകോടിയിൽ, ഇന്ത്യയിൽ യഥാർഥത്തിൽ ഇപ്പോൾ ജനാധിപത്യമില്ലാതായി മാറിയിരിക്കുന്നുവെന്ന് രാഹുൽഗാന്ധി വിമർശിച്ചിരുന്നു. മോദിയെ താഴെയിറക്കുമെന്നും പറഞ്ഞിരുന്നു. ഇതിനെതിരേയാണ് ബി.ജെ.പി. രംഗത്തുവന്നത്.
വിദേശശക്തികൾക്കും ജോർജ് സോറോസിന്റെ കൂട്ടാളികൾക്കും ഒപ്പംചേർന്ന് ഗൂഢാലോചനയിലൂടെ മോദി സർക്കാരിനെ താഴെയിറക്കുമെന്നാണ് രാഹുൽഗാന്ധി പറയുന്നതെന്ന് ബി.ജെ.പി. ദേശീയവക്താവ് പ്രദീപ് ഭണ്ഡാരി കുറ്റപ്പെടുത്തി. ‘രാഹുൽഗാന്ധി ഇന്ത്യൻ ജനാധിപത്യത്തിന് എതിരാണ്. ഇന്ത്യയിൽ അസ്ഥിരത ആഗ്രഹിക്കുന്ന വിദേശ ശക്തികളുടെയും ജോർജ് സോറോസിന്റെയും കളിപ്പാവയായി അദ്ദേഹം മാറിയിരിക്കുന്നു’ -ഭണ്ഡാരി എക്സിലെ കുറിപ്പിൽ ആരോപിച്ചു
Content Highlights: BJP accused Rahul Gandhi of seeking foreign intervention in Indian democracy., The allegations stem from Rahul Gandhi's remarks at the Bharat Summit organized by the Telangana government., BJP national spokesperson Pradeep Bhandari claimed Gandhi is collaborating with foreign forces and George Soros.
Published: 16 Nov 2026, 08:57 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented