വീടിന്റെ ചുവരിലെ പെയിന്റ് പൊളിയുന്നത് ഇന്ന് പതിവാണ്. പുതിയ വീടുകളിൽ പോലും ഇത്തരം പ്രശ്‌നങ്ങൾ സാധാരണമാണ്. അതുകൊണ്ടുതന്നെ നിരവധി പേരാണ് ഈ പ്രശ്‌നം മൂലം പ്രതിസന്ധിയിലാകുന്നത്. പെയിന്റുമായി ബന്ധപ്പെട്ട ഇത്തരം പ്രശ്‌നങ്ങളിലേക്ക് നയിക്കുന്ന നിരവധി കാരണങ്ങൾ ഉണ്ട്. അതിൽ പ്രധാനപ്പെട്ട ഒന്നാണ് കാപിലറി ആക്ഷൻ.

To advertise here,

എന്താണ് കാപിലറി ആക്ഷൻ?

കാപിലറി ആക്ഷൻ (Capillary Action) എന്നത് വളരെ ചെറിയ വിടവുകളിലൂടെയോ സുഷിരങ്ങളിലൂടെയോ വെള്ളം സ്വാഭാവികമായി മുകളിലേക്ക് കയറുന്ന പ്രതിഭാസമാണ്. വീടിന്റെ കാര്യത്തിൽ, മണ്ണിലുള്ള ഈർപ്പം ചുവരിലെ ചെറിയ സുഷിരങ്ങളിലൂടെ മുകളിലേക്ക് കയറുന്നതാണ് കാപിലറി ആക്ഷൻ. ഇതുമൂലം ചുവരിന്റെ അടിഭാഗത്ത് ഈർപ്പം കൂടുകയും പിന്നീട് പെയിന്റ് പൊളിയുക, കുമിളകൾ ഉണ്ടാകുക, പാടുകൾ രൂപപ്പെടുക തുടങ്ങിയ പ്രശ്‌നങ്ങൾ ഉണ്ടാകുകയും ചെയ്യാം.

ഇത്തരത്തിൽ കാപിലറി ആക്ഷൻ (Capillary Action) മൂലം വെള്ളം ചുവരിലൂടെ മുകളിലേക്ക് കയറുന്നതാണ് വീടിന്റെ അടിഭാഗത്തെ പെയിന്റ് പൊളിയുന്നതിനുള്ള പ്രധാന കാരണം.

പരിഹാരം

ഈ പ്രശ്‌നത്തിന് ഒരു പ്രായോഗിക പരിഹാരമായി, പ്ലാസ്റ്ററിംഗിൽ അനുയോജ്യമായ ഉയരത്തിൽ ഒരു ഗ്രൂവ് (Groove) നൽകാം.

 

ഈ ഗ്രൂവ് നൽകുന്നതിലൂടെ താഴത്തെ ഭാഗത്തെ ചുവരിനും മുകളിലെ ഭാഗത്തെ ചുവരിനും ഇടയിൽ ഒരു ചെറിയ വിടവ് (Gap) രൂപപ്പെടുന്നു. ഭൂമിയിൽ നിന്നുള്ള കാപിലറി ആക്ഷൻ മൂലം മുകളിലേക്ക് കയറുന്ന വെള്ളം ഈ വിടവിൽ എത്തുമ്പോൾ, അത് പുറത്തേക്ക് ഒഴുകിപ്പോകുന്നു.

ഇതുവഴി മുകളിലേക്കുള്ള ഈർപ്പത്തിന്റെ വ്യാപനം കുറയാനും, അടിഭാഗത്തെ പെയിന്റ് പൊളിയുന്ന പ്രശ്‌നം നിയന്ത്രിക്കാനും സാധിക്കും.

ഗ്രൂവ് നൽകുന്നതിലൂടെ

  • പെയിന്റ് പൊളിയുന്നത് കുറയുന്നു
  • ചുവരിന്റെ ആയുസ്സ് വർധിക്കുന്നു
  • വീടിന്റെ സൗന്ദര്യം നിലനിർത്തുന്നു

കൂടുതൽ ശ്രദ്ധിക്കേണ്ട കാര്യങ്ങൾ

കാപിലറി ആക്ഷൻ മൂലമുള്ള ഈർപ്പം സ്ഥിരമായി പരിഹരിക്കുന്നതിന് Damp Proof Course (DPC), Waterproofing, Drainage എന്നിവ ഉൾപ്പെടെയുള്ള അടിസ്ഥാന കാര്യങ്ങൾ നിർമ്മാണ ഘട്ടത്തിൽ തന്നെ പരിശോധിച്ച് ആവശ്യമായ നടപടികൾ സ്വീകരിക്കുന്നത് കൂടുതൽ ഫലപ്രദമാണ്.

Davis Sebastian Thomas

MD-Dream shades,Paint shop