ഓരോ അപ്‌ഡേറ്റിലും പ്രേക്ഷകകരുടെ ആവേശം വാനോളം ഉയർത്തുന്ന ചിത്രമാണ് ഗീതു മോഹൻദാസ് സംവിധാനം ചെയ്യുന്ന "ടോക്സിക്- എ ഫെയറി ടെയിൽ ഫോർ ഗ്രൗൺ-അപ്‌സ്". യാഷ് നായകനാകുന്ന ചിത്രത്തിൻ്റെ ഏറ്റവും പുതിയ അപ്ഡേറ്റ് പുറത്തുവിട്ടിരിക്കുകയാണ് അണിയറപ്രവർത്തകർ.

To advertise here,

സിനിമയുടെ ചിത്രീകരണം ഓ​ഗസ്റ്റ് ഏട്ടുമുതൽ ആരംഭിക്കുമെന്നാണ് അണിയറപ്രവർത്തകർ അറിയിച്ചിരിക്കുന്നത്. ബെം​ഗളൂരുവാണ് ലൊക്കേഷൻ.  'കെജിഎഫ് 2' റിലീസായി 844 ദിനങ്ങൾ കഴിയുമ്പോളാണ്  'ടോക്സിക്' ചിത്രീകരണം ആരംഭിക്കാനായി യാഷ് തയാറാകുന്നത്. 2023 ഡിസംബര്‍ 8 ന് ഔദ്യോഗികമായി പ്രഖ്യാപിക്കപ്പെട്ട ചിത്രമാണ് ടോക്സിക്. 

റോക്കിംഗ് സ്റ്റാർ യാഷുമായി എട്ടാം നമ്പറിന് ശക്തമായ ബന്ധമുണ്ട്. ടോക്‌സിക്: എ ഫെയറി ടെയിൽ ഫോർ ഗ്രൗൺ-അപ്‌സിന്റെ  ഔദ്യോഗിക പ്രഖ്യാപനം നടത്തിയ അദ്ദേഹത്തിന്റെ ജനനത്തീയതിയും തീയതിയുമായി ഇത് പൊരുത്തപ്പെടുന്നു.

placeholder
യാഷ് ക്ഷേത്രദർശനത്തിനിടെ

ചിത്രീകരണത്തിന് മുന്നോടിയായി നിർമാതാവ് വെങ്കട്ട് കെ. നാരായണയ്ക്കും അവരുടെ കുടുംബത്തിനുമൊപ്പം കർണാടകയിലെ വിവിധ ക്ഷേത്രങ്ങൾ യാഷ് സന്ദർശിച്ചു. ശ്രീ സദാശിവ രുദ്ര സൂര്യ ക്ഷേത്രം, ധർമ്മസ്ഥലയിലെ ശ്രീ മഞ്ജുനാഥേശ്വര ക്ഷേത്രം, കർണാടകയിലെ സുബ്രഹ്മണ്യയിലെ കുക്കെ സുബ്രഹ്മണ്യ ക്ഷേത്രം എന്നിവിടങ്ങളിലായിരുന്നു ദർശനം നടത്തിയത്‌. യാഷിന്റെ ടോക്‌സികിന്റെ മറ്റു താരങ്ങളെക്കുറിച്ചും അണിയറപ്രവർത്തകരെക്കുറിച്ചുമുള്ള ഔദ്യോ​ഗിക പ്രഖ്യാപനത്തിനായി കാത്തിരിക്കുകയാണ് സിനിമാ ലോകം. പി ആർ ഓ പ്രതീഷ് ശേഖർ.