കോട്ടയം: ഡോ. ഷീബ എം. കുര്യൻ രചിച്ച 'കാണുന്നുണ്ടോ?; ഭിന്നശേഷിയും സിനിമയും' എന്ന ഗ്രന്ഥത്തിന് 2025- ലെ മികച്ച ചലച്ചിത്ര ഗ്രന്ഥത്തിനുള്ള കേരള ഫിലിം ക്രിട്ടിക്സ് അസോസിയേഷന്റെ മണ്ണാറക്കയം ബേബി പുരസ്‌കാരം. ഡോ. വി. മോഹനകൃഷ്ണന്റെ 'ഉത്തരായണത്തിന്റെ രാഷ്ട്രീയപിന്തുടർച്ചകൾ' മികച്ച ലേഖനത്തിനുമുള്ള അവാർഡ് നേടി. ഡോ. നൗഫൽ മറിയം ബ്ലാത്തൂരിന്റെ 'ചലച്ചിത്ര ഭാഷ: രൂപവും സങ്കൽപനവും' എന്ന ഗ്രന്ഥത്തിന് സ്പെഷ്യൽ ജൂറി പുരസ്‌കാരവുമുണ്ട്.

To advertise here,

മികച്ച ഗ്രന്ഥത്തിന് 5000 രൂപയും ലേഖനത്തിന് 3000 രൂപയും ശിൽപവും പ്രശസ്തിപത്രവുമടങ്ങുന്നതാണ് അവാർഡുകൾ. 1000 രൂപയും ഫലകവും പ്രശസ്തിപത്രവും പ്രത്യേക ജൂറി പുരസ്‌കാരത്തിനു ലഭിക്കും. ഡോ. ജോർജ് ഓണക്കൂർ, തേക്കിൻകാട് ജോസഫ്, ഡോ. ജോസ് കെ. മാനുവൽ, എ. ചന്ദ്രശേഖർ എന്നിവരടങ്ങുന്ന ജൂറിയാണ് മികച്ച ഗ്രന്ഥം തിരഞ്ഞെടുത്തത്. ഡോ. ജോർജ് ഓണക്കൂർ, തേക്കിൻകാട് ജോസഫ്, ഡോ. അരവിന്ദൻ വല്ലച്ചിറ, എ. ചന്ദ്രശേഖർ എന്നിവരടങ്ങുന്ന സമിതിയാണ് മികച്ച ലേഖനം തിരഞ്ഞെടുത്തത്.