നടി ശ്വേതാ മേനോനെതിരെ കേസെടുത്ത പോലീസിന്റെ നടപടിയെ പരിഹസിച്ചും ശ്വേതയ്ക്ക് പിന്തുണയറിയിച്ചും നടന്‍ ഇര്‍ഷാദ് അലി. ഫെയ്‌സ്ബുക്ക് പോസ്റ്റിലൂടെയാണ് ഇര്‍ഷാദ് പ്രതികരിച്ചത്. ഇര്‍ഷാദും മീരാ ജാസ്മിനും അഭിനയിച്ച പാഠം ഒന്ന്: ഒരു വിലാപം എന്ന ചിത്രത്തിന്റെ പോസ്റ്ററിനൊപ്പമായിരുന്നു ഇര്‍ഷാദിന്റെ കുറിപ്പ്.
'അറിഞ്ഞിടത്തോളം മീര ജാസ്മിന്‍ ഇപ്പോള്‍ അമേരിക്കയില്‍ ആണെന്ന് കേള്‍ക്കുന്നു. സേതുരാമ അയ്യരെ ഇറക്കി അന്വേഷിച്ചിട്ടും ഏതെങ്കിലും വക്കീലിനെ ബന്ധപ്പെട്ടോ എന്ന് അറിയാന്‍ കഴിഞ്ഞിട്ടില്ല! ഞാന്‍ മുന്‍കൂര്‍ ജാമ്യത്തിന് അപേക്ഷ കൊടുക്കണോ? അതോ ഒളിവില്‍ പോണോ?' -ഇതായിരുന്നു ഇര്‍ഷാദിന്റെ ഫെയ്‌സ്ബുക്ക് പോസ്റ്റ്.
ശ്വേതാ മേനോനൊപ്പം, കലാകാരന്മാരുടെ അവകാശങ്ങള്‍ സംരക്ഷിക്കുക, നിയമത്തിന്റെ ദുരുപയോഗം, കലാ സ്വാതന്ത്ര്യം, സെന്‍സര്‍ഷിപ്പ് എന്നീ ഹാഷ്ടാഗുകളും ഇര്‍ഷാദ് പോസ്റ്റിനൊപ്പം ചേര്‍ത്തിരുന്നു. ആയിരക്കണക്കിന് പേരാണ് ഇര്‍ഷാദിന്റെ പോസ്റ്റ് ലൈക്ക് ചെയ്തിരിക്കുന്നത്. നൂറുകണക്കിന് കമന്റുകളും പോസ്റ്റിന് താഴെയുണ്ട്.
അശ്ലീല ചിത്രങ്ങളില്‍ അഭിനയിച്ച് സാമ്പത്തിക ലാഭമുണ്ടാക്കി എന്നുള്‍പ്പെടെയുള്ള പരാതികളാണ് ശ്വേതാ മേനോനെതിരെ ഉന്നയിക്കപ്പെട്ടത്. പരാതിയില്‍ കേസെടുക്കാന്‍ നേരത്തേ സിജെഎം കോടതി നിര്‍ദേശിച്ചിരുന്നു. ഇതുപ്രകാരം എറണാകുളം സെന്‍ട്രല്‍ പോലീസ് താരത്തിനെതിരെ എഫ്‌ഐആര്‍ രജിസ്റ്റര്‍ ചെയ്തു. എന്നാല്‍ ശ്വേതാ മേനോന്‍ ഹൈക്കോടതിയെ സമീപിച്ച് സിജെഎം കോടതിയുടെ ഉത്തരവിന് സ്‌റ്റേ വാങ്ങി.
Content Highlights: Actor Irshad Ali expresses support to actress Shwetha Menon on case against her
Published: 07 Aug 2025, 04:55 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented