ഇന്ത്യയുടെ മിസൈല്‍മാനും മുന്‍രാഷ്ട്രപതിയുമായ എപിജെ അബ്ദുല്‍കലാമിന്റെ ജീവിതം സിനിമയാവുന്നു. ആദിപുരുഷ്, തന്‍ഹാജി, ലോക്മാന്യ: ഏക് യുഗപുരുഷ് എന്നീ ചിത്രങ്ങളുടെ സംവിധായകന്‍ ഓം റാവുത്താണ് ചിത്രം സംവിധാനംചെയ്യുന്നത്. നടന്‍ ധനുഷ് എപിജെ അബ്ദുല്‍കലാമിന്റെ വേഷം കൈകാര്യംചെയ്യും. 'കലാം: ദി മിസൈല്‍ മാന്‍ ഓഫ് ഇന്ത്യ', എന്ന പേരിലാണ് ചിത്രം പുറത്തിറങ്ങുക.
അഭിഷേക് അഗര്‍വാള്‍, സുനില്‍ ശുങ്കര, ഭൂഷണ്‍ കുമാര്‍, കൃഷ്ണന്‍ കുമാര്‍ എന്നിവരാണ് ചിത്രത്തിന്റെ നിര്‍മാതാക്കള്‍. ദി കശ്മീര്‍ ഫയല്‍സ്, കാര്‍ത്തികേയ 2 ഉള്‍പ്പെടെയുള്ള ചിത്രങ്ങളുടെ നിര്‍മാതാവാണ് അഭിഷേക് അഗര്‍വാള്‍. സായ്വെന്‍ ക്യൂദ്രാസ് ആണ് തിരക്കഥ രചിക്കുന്നത്.
അബ്ദുല്‍കലാമിന്റെ ജീവിതം ബിഗ്‌സ്‌ക്രീനിലെത്തിക്കുക എന്നത് കലാപരമായ വെല്ലുവിളിയും ധാര്‍മികവും സാംസ്‌കാരികവുമായ ഉത്തരവാദിത്തവുമാണെന്ന് സംവിധായകന്‍ ഓം റാവുത്ത് അഭിപ്രയാപ്പെട്ടു. ഇന്ത്യന്‍ സിനിമയുടെ അഭിമാനപ്രൊജക്ടുകളില്‍ ഒന്നായിരിക്കും ചിത്രമെന്ന് നിര്‍മാതാവ് അഭിഷേക് അഗര്‍വാള്‍ പറഞ്ഞു.
Content Highlights: Dhanush to portray APJ Abdul Kalam in an upcoming biopic directed by Om Raut
Published: 22 May 2025, 10:45 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented