
നടനും സംവിധായകനുമായ ബേസില് ജോസഫ് സിനിമാ നിര്മാണത്തിലേക്കും. ബേസില് തന്നെയാണ് നിര്മാണരംഗത്തേക്ക് ഇറങ്ങുന്ന കാര്യം പ്രഖ്യാപിച്ചത്. സാമൂഹികമാധ്യമങ്ങളില് പങ്കുവെച്ച കുറിപ്പില് നിര്മാണക്കമ്പനിയെ പരിചയപ്പെടുത്തി. ബാനറിന്റെ ടൈറ്റില് ഗ്രാഫിക്സും പുറത്തുവിട്ടു.
'അങ്ങനെ വീണ്ടും. ഇതുവരെ ചെയ്യാത്തൊരു കാര്യം ശ്രമിക്കുന്നു- സിനിമാ നിര്മാണം. എങ്ങനെ എന്ന് ഇപ്പോഴും പഠിച്ചുവരുന്നതേയുള്ളൂ. എന്നാല്, കഥകള് കൂടുതല് നന്നായി, ധൈര്യപൂര്വ്വം, പുതിയ രീതികളില് പറയണം എന്നതുമാത്രമാണ് എനിക്ക് അറിയാവുന്ന ഒരുകാര്യം. എവിടെവരെ പോകുമെന്ന് നോക്കാം. ബേസില് ജോസഫ് എന്റര്ടെയ്ന്മെന്റിലേക്ക് സ്വാഗതം', ബേസില് സാമൂഹികമാധ്യമങ്ങളില് കുറിച്ചു.
ചരിഞ്ഞ ഗോപുരം താഴെ നിന്ന് ഉയര്ത്തി നേരയാക്കാന് നോക്കുന്ന സൂപ്പര്ഹീറോ വേഷത്തിലുള്ള ഒരുകുഞ്ഞിന്റെ ആനിമേഷനിലാണ് ടൈറ്റില് ഗ്രാഫിക്സ്. നേരെ നിര്ത്തിയ ഗോപുരം തള്ളി താഴെയിട്ട ശേഷം കൂളിങ് ഗ്ലാസ് ധരിച്ച് കൈയില് കോലുമിഠായിയുമായി നില്ക്കുന്നു കുട്ടിയുടെ കാരിക്കേച്ചര് ഉള്പ്പെടുന്നതാണ് ലോഗോ. ബേസില് സംവിധാനംചെയ്ത 'മിന്നല്മുരളി' റഫറന്സ് ഉള്ളതാണ് ടൈറ്റില് ഗ്രാഫിക്സ്. പശ്ചാത്തലസംഗീതത്തിനൊപ്പം ബേസിലിന്റെ പൊട്ടിച്ചിരിയും കേള്ക്കാം.
നിര്മിക്കുന്ന ആദ്യ സിനിമ ഏതായിരിക്കുമെന്നതടക്കം മറ്റ് വിവരങ്ങള് പുറത്തുവിട്ടിട്ടില്ല. സംവിധാനസഹായിയായി തുടങ്ങി സംവിധായകനായും നടനായും ബേസില് മലയാള സിനിമയില് സജീവമാണ്. 'കുഞ്ഞിരാമായണം', 'ഗോദ', 'മിന്നല്മുരളി' എന്നീ ചിത്രങ്ങള് സംവിധാനംചെയ്തു. 'മരണമാസ്' ആണ് ബേസില് നായകനായി ഒടുവില് പുറത്തിറങ്ങിയ ചിത്രം. സത്യന് അന്തിക്കാടിന്റെ മോഹന്ലാല് ചിത്രം 'ഹൃദയപൂര്വ്വ'ത്തില് അതിഥിവേഷത്തിലുണ്ട്.
Content Highlights: Actor-director Basil Joseph ventures into film production with Basil Joseph Entertainment
Published: 14 Sept 2025, 05:10 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented