മുതിർന്ന ചലച്ചിത്ര നിർമാതാവും നടി മൗഷുമി ചാറ്റർജിയുടെ പങ്കാളിയുമായ ജയന്ത മുഖർജി അന്തരിച്ചു. വാർധക്യസഹജമായ അസുഖങ്ങളെ തുടർന്ന് മുംബൈയിലെ വസതിയിലായിരുന്നു അന്ത്യം.
പ്രശസ്ത സംഗീത സംവിധായകൻ ഹേമന്ത് കുമാറിന്റെ മകനാണ് ജയന്ത മുഖർജി. 'മസാഖ്' (1975), 'ദോ ലഡ്‌കെ ദോനോ കഡ്‌കെ' (1979), 'ബീവി ഔർ മകാൻ' തുടങ്ങിയ ചിത്രങ്ങൾ നിർമ്മിച്ചു. ആദ്യ രണ്ട് ചിത്രങ്ങളിലും മൗഷുമി ചാറ്റർജി പ്രധാന വേഷങ്ങളിൽ അഭിനയിച്ചിരുന്നു.
അവസാനകാലത്ത് ഭാര്യക്കും മകൾ മേഘ മുഖർജിക്കുമൊപ്പം മുംബൈയിലെ ഖാറിലായിരുന്നു അദ്ദേഹം. ടൈപ്പ് 1 പ്രമേഹബാധിതയായിരുന്ന മൂത്ത മകൾ പായൽ 2019-ൽ അന്തരിച്ചിരുന്നു. 45-ാം വയസ്സിലായിരുന്നു അന്ത്യം.
1967-ൽ തരുൺ മജുംദാർ സംവിധാനം ചെയ്ത 'ബാലിക ബധു' എന്ന ചിത്രത്തിലൂടെ ശ്രദ്ധേയയായ മൗഷുമി ചാറ്റർജി, 15-ാം വയസ്സിലാണ് ജയന്ത മുഖർജിയെ വിവാഹം കഴിച്ചത്. 1972-ലായിരുന്നു ഇവരുടെ വിവാഹം. 'ബാലിക ബധു' എന്ന ചിത്രത്തിന്റെ സംഗീത സംവിധായകൻ ഹേമന്ത മുഖർജിയായിരുന്നു.
Content Highlights: Veteran film producer Jayanta Mukherjee, husband of actress Moushumi Chatterjee, passed away at his residence in Mumbai due to age-related ailments. He was the son of legendary music composer Hemant Kumar (Hemanta Mukherjee). Jayanta Mukherjee produced notable films including 'Mazaak' (1975), 'Do Ladke Dono Kadke' (1979), and 'Biwi Aur Makan'. He is survived by his wife Moushumi Chatterjee and daughter Megha Mukherjee, while his elder daughter Payal passed away in 2019.
Published: 13 Nov 2026, 04:37 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented