'ഭാര്ഗവീനിലയ'ത്തിന് വേണ്ടി പി ഭാസ്കരന്റെ വരികള്ക്ക് എം'എസ്' ബാബുരാജ് ഈണം പകര്ന്ന ''താമസമെന്തേ വരുവാന്'' എന്ന ഗാനത്തിന്റെ പുനരാവിഷ്കാരം പുറത്തിറങ്ങി. ആഷിക് അബു സംവിധാനം ചെയ്ത 'നീലവെളിച്ചം' എന്ന ചിത്രത്തിന് വേണ്ടിയാണിത്. എം.എസ്. ബാബുരാജിന് മുന്കൂര് ജന്മാദിനാശംസകള് അറിയിച്ചുകൊണ്ടാണ് വീഡിയോ ഗാനം പുറത്ത് വിട്ടിരിക്കുന്നത്. മാര്ച്ച് ഒമ്പതിനാണ് ബാബുരാജിന്റെ ജന്മദിനം. യേശുദാസ് ആലപിച്ച ഗാനത്തിന്റെ പുതിയ പതിപ്പിന് ശബ്ദമായിരിക്കുന്നത് ഷഹബാസ് അമനാണ്.
ബിജിബാലും റെക്സ് വിജയനും ചേര്ന്നാണ് നീലവെളിച്ചത്തിലെ ഗാനങ്ങള് പുനരാവിഷ്കരിച്ചിരിക്കുന്നത്. മധു പോള് ആണ് കീബോര്ഡ് കൈകാര്യം ചെയ്തിരിക്കുന്നത്. സാരംഗി- മനോമണി.
വൈക്കം മുഹമ്മദ് ബഷീറിന്റെ നീലവെളിച്ചം എന്ന കൃതിയെ അടിസ്ഥാനമാക്കി മലയാളത്തിലെ തന്നെ ആദ്യ ഹൊറര് സിനിമയായ 'ഭാര്ഗവീനിലയം' റിലീസ് ചെയ്ത് 59 വര്ഷങ്ങള്ക്ക് ശേഷമാണ് വീണ്ടും 'നീലവെളിച്ച'ത്തിന് പുനരാവിഷ്ക്കാരം തയ്യാറാവുന്നത്. 1964-ലായിരുന്നു നീലവെളിച്ചം എന്ന കഥയെ അടിസ്ഥാനമാക്കി വൈക്കം മുഹമ്മദ് ബഷീര് തന്നെ തിരക്കഥ എഴുതി ഭാര്ഗ്ഗവീനിലയം എന്ന സിനിമ പുറത്തുവന്നത്. എ. വിന്സെന്റ് ആയിരുന്നു ചിത്രം സംവിധാനം ചെയ്തത്.
ഒ.പി.എം സിനിമാസിന്റെ ബാനറില് ആഷിഖ് അബു, റിമ കല്ലിങ്കല് എന്നിവരാണ് 'നീലവെളിച്ചം' നിര്മ്മിക്കുന്നത്. ഋഷികേശ് ഭാസ്ക്കരനാണ് ചിത്രത്തിന്റെ അധികതിരക്കഥ എഴുതിയിരിക്കുന്നത്. സജിന് അലി പുലാക്കല്, അബ്ബാസ് പുതുപ്പറമ്പില് എന്നിവരാണ് സഹനിര്മാതാക്കള്. റോഷന് മാത്യു, റിമ കല്ലിങ്കല്, ടൊവിനോ തോമസ്, ഷൈന് ടോം ചാക്കോ തുടങ്ങിയവരാണ് പ്രധാനവേഷങ്ങളിലെത്തുന്നത്.
ചെമ്പന് വിനോദ് ജോസ്, ജെയിംസ് ഏലിയാസ്, ജയരാജ് കോഴിക്കോട്, ഉമാ കെ. പി, അഭിറാം രാധാകൃഷ്ണന്, രഞ്ജി കങ്കോല്, ജിതിന് പുത്തഞ്ചേരി, നിസ്തര് സേട്ട്, പ്രമോദ് വെളിയനാട്, ആമി തസ്നിം, പൂജ മോഹന് രാജ്, ദേവകി ഭാഗി, ഇന്ത്യന് എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.
ഗിരീഷ് ഗംഗാധരന് ഛായാഗ്രഹണം നിര്വ്വഹിക്കുന്ന 'നീലവെളിച്ച'ത്തിന്റെ എഡിറ്റിങ് വി. സാജനാണ്. പ്രൊഡക്ഷന് കണ്ട്രോളര്: ബെന്നി കട്ടപ്പന, കല: ജ്യോതിഷ് ശങ്കര്. മേക്കപ്പ്: റോണക്സ് സേവ്യര്, വസ്ത്രാലങ്കാരം: സമീറ സനീഷ്. ശബ്ദ മിശ്രണം: വിഷ്ണു ഗോവിന്ദ്, സൗണ്ട് ഡിസൈന്: വിഷ്ണു ഗോവിന്ദ്, നിക്സണ് ജോര്ജ്. സ്ട്രിംഗ്സ് ഫ്രാന്സിസ് സേവ്യര്, ഹെറാള്ഡ്, ജോസുകുട്ടി, കരോള് ജോര്ജ്, ഫ്രാന്സിസ്. സഹസംവിധാനം: ഹരീഷ് തെക്കേപ്പാട്ട്, ബിബിന് രവീന്ദ്രന്. സംഘട്ടനം: സുപ്രീം സുന്ദര്, നൃത്ത സംവിധാനം: ഡോ. ശ്രീജിത്ത് ഡാന്സിറ്റി. പി.ആര്.ഒ.: എ.എസ്. ദിനേശ്, ആതിര ദില്ജിത്ത്. പരസ്യകല: യെല്ലോ ടൂത്ത്.
Content Highlights: Neelavelicham Video Song Thamasamenthe Varuvan P Bhaskaran MS Baburaj Shahabaz Aman
Published: 03 Mar 2023, 11:41 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented