തിരുവനന്തപുരം: വിവിധ മേഖലകളില് സമഗ്ര സംഭാവനകള് നല്കിയ വിശിഷ്ട വ്യക്തിത്വങ്ങള്ക്കു സംസ്ഥാന സര്ക്കാര് നല്കുന്ന പരമോന്നത പുരസ്കാരമായ 2023ലെ കേരള പുരസ്കാരങ്ങള് പ്രഖ്യാപിച്ചു. ഈ വര്ഷത്തെ കേരള ജ്യോതി പുരസ്കാരം സാഹിത്യ മേഖലയിലെ സമഗ്ര സംഭാവനയ്ക്ക് ടി. പത്മനാഭന് ലഭിച്ചു.
സാമൂഹ്യ സേവന, സിവില് സര്വീസ് മേഖലയിലെ സമഗ്ര സംഭാവനയ്ക്ക് ജസ്റ്റിസ്(റിട്ട.) എം. ഫാത്തിമ ബീവി, കലാ മേഖലയിലെ സമഗ്ര സംഭാവനയ്ക്ക് നടരാജ കൃഷ്ണമൂര്ത്തി(സൂര്യ കൃഷ്ണമൂര്ത്തി) എന്നിവര് കേരള പ്രഭ പുരസ്കാരത്തിന് അര്ഹരായി.
സാമൂഹ്യ സേവന മേഖലയിലെ സമഗ്ര സംഭാവനയ്ക്ക് പുനലൂര് സോമരാജന്, ആരോഗ്യ മേഖലയിലെ സമഗ്ര സംഭാവനയ്ക്ക് ഡോ. വി.പി. ഗംഗാധരന്, വ്യവസായ-വാണിജ്യ മേഖലയിലെ സമഗ്ര സംഭാവനയ്ക്ക് രവി ഡി സി, സിവില് സര്വീസ് മേഖലയിലെ സമഗ്ര സംഭാവനയ്ക്ക് കെ.എം. ചന്ദ്രശേഖര്, കല(സംഗീതം) മേഖലയിലെ സമഗ്ര സംഭാവനയ്ക്ക് പണ്ഡിറ്റ് രമേശ് നാരായണ് എന്നിവര് കേരള ശ്രീ പുരസ്കാരത്തിന് അര്ഹരായി.
വിവിധ മേഖലകളിലെ സമഗ്രസംഭാവനകള് കണക്കിലെടുത്ത് ഒന്നാമത്തെ പരമോന്നത സംസ്ഥാന പുരസ്കാരമായ 'കേരള ജ്യോതി' വര്ഷത്തില് ഒരാള്ക്കും, രണ്ടാമത്തെ പരമോന്നത സംസ്ഥാന പുരസ്കാരമായ 'കേരള പ്രഭ' വര്ഷത്തില് രണ്ടുപേര്ക്കും, മൂന്നാമത്തെ പരമോന്നത സംസ്ഥാന പുരസ്കാരമായ 'കേരള ശ്രീ' വര്ഷത്തില് അഞ്ചുപേര്ക്കും എന്ന ക്രമത്തില് നല്കുന്നതിനാണ് തീരുമാനിച്ചിട്ടുള്ളത്.
അടൂര് ഗോപാലകൃഷ്ണന്, കെ. ജയകുമാര്, ഡോ. ജോര്ജ് ഓണക്കൂര് എന്നിവരടങ്ങിയ അവാര്ഡ് സമിതിയാണ് പുരസ്കാര ജേതാക്കളെ തിരഞ്ഞെടുത്തത്
Content Highlights: Kerala award 2023 announced, T. Padmanabhan bags Kerala jyothi award
Published: 01 Nov 2023, 08:35 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented