
തിരുവനന്തപുരം: വിഖ്യാതസംവിധായകനും എഴുത്തുകാരനുമായ പി.പദ്മരാജന്റെ പേരിലുള്ള പദ്മരാജൻ മെമ്മോറിയൽ ട്രസ്റ്റിന്റെ 2020-ലെ ചലച്ചിത്ര-സാഹിത്യ സാഹിത്യപുരസ്കാരങ്ങൾ പ്രഖ്യാപിച്ചു. മികച്ച സംവിധായകനുള്ള പുരസ്കാരത്തിന് 'ദ ഗ്രേറ്റ് ഇന്ത്യൻ കിച്ചണി'ന്റെ സംവിധായകൻ ജിയോ ബേബി അർഹനായി(2,500 രൂപ). മികച്ച തിരക്കഥാകൃത്തായി തിരഞ്ഞെടുക്കപ്പെട്ടത് ജയരാജ് (15000രൂപ) ആണ്. 'ഹാസ്യം' എന്ന ചിത്രത്തിനുള്ള തിരക്കഥയ്ക്കാണ് അവാർഡ്.

മനോജ് കൂറൂർ എഴുതിയ 'മുറിനാവ് 'എന്ന നോവലിനാണ് നോവൽ പുരസ്കാരം. കെ. രേഖയുടെ 'അങ്കമാലിയിലെ മാങ്ങാക്കറിയും നിന്റെ അപ്പവും വീഞ്ഞും' എന്ന ചെറുകഥയും പുരസ്കാരത്തിനർഹമായി. നോവലിന് ഇരുപതിനായിരം രൂപയും ചെറുകഥക്ക് പതിനയ്യായിരം രൂപയുമാണ് പുരസ്കാരത്തുകകൾ.
കെ.സി. നാരായണൻ ചെയർമാനും ശാരദക്കുട്ടി, പ്രദീപ് പനങ്ങാട് എന്നിവർ അംഗങ്ങളുമായ സമിതിയാണ് പുരസ്കാരങ്ങൾ നിർണയിച്ചത്. പദ്മരാജന്റെ ജന്മദിനമായ മെയ് 23-ന് വിതരണം ചെയ്യേണ്ട പുരസ്കാരങ്ങൾ കോവിഡ് സാഹചര്യത്തിൽ പിന്നീട് സമ്മാനിക്കും.
Content Highlights : Jio Baby Jayaraj Manoj Kuroor K Rekha won padmarajan Awards 2020
Published: 22 May 2021, 04:07 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Most Commented