സെയ്ഫ് അലി ഖാൻ കരീന കപൂറിനെ വിവാഹം കഴിക്കാൻ തീരുമാനിച്ച സമയത്ത് തനിക്കുണ്ടായ ദുരനുഭവങ്ങളെക്കുറിച്ച് സംസാരിച്ച് ബോളിവുഡ് നടിയും സെയ്ഫിൻ്റെ സഹോദരിയുമായ സോഹ അലി ഖാൻ. ഇരുവരുടേയും മിശ്ര വിവാഹത്തിന് കടുത്ത എതിർപ്പ് നേരിടേണ്ടി വന്നതായി അവര്‍ വെളിപ്പെടുത്തി.

To advertise here,

കരീന-സെയ്ഫ്‌ വിവാഹം വലിയ വിമർശനങ്ങൾക്ക് ഇടയായി

നയൻദീപ് രക്ഷതിൻ്റെ യൂട്യൂബ് ചാനലുമായി നടത്തിയ അഭിമുഖത്തിലാണ് സെയ്ഫിൻ്റെയും കരീനയുടെയും വിവാഹം എത്രത്തോളം വിമർശിക്കപ്പെട്ടുവെന്ന് സോഹ വെളിപ്പെടുത്തിയത്. "കരീനയും എൻ്റെ സഹോദരനും വിവാഹം കഴിച്ചപ്പോഴും വിചിത്രമായ പല കാര്യങ്ങളും സംഭവിച്ചിരുന്നു. ലവ് ജിഹാദ്, ഘർ വാപ്‌സി എന്നിങ്ങനെയുള്ള വിചിത്രമായ ആക്ഷേപങ്ങളാണ് അന്ന് വന്നത്. ‘നിങ്ങൾ ഞങ്ങളിൽനിന്ന് ഒരാളെ എടുത്തു, ഇനി ഞങ്ങൾ നിങ്ങളിൽ നിന്ന് ഒരാളെ എടുക്കും' എന്നൊക്കെയുള്ള സംസാരങ്ങളുമുണ്ടായി," സോഹ പറഞ്ഞു.

2012-ൽ സെയ്ഫ്‌ അലി ഖാനും കരീന കപൂറും വിവാഹം കഴിക്കാൻ തീരുമാനിച്ചപ്പോൾ തൻ്റെ കുടുംബത്തിന് നേരിടേണ്ടി വന്ന വെറുപ്പിനെക്കുറിച്ചും സോഹ അലി ഖാൻ സംസാരിച്ചു.

കുനാൽ ഖേമുവുമായുള്ള മിശ്ര വിവാഹത്തിൻ്റെ സമയത്ത് തനിക്ക് നേരെയുണ്ടായ വിദ്വേഷത്തെക്കുറിച്ചും സോഹ അലി ഖാൻ വെളിപ്പെടുത്തി.

സെയ്ഫ് കരീനയെ പരിചയപ്പെടുത്തിയത് ഇങ്ങനെ

തൻ്റെ സഹോദരൻ സെയ്ഫ് അലി ഖാൻ കരീന കപൂർ ഖാനെ ഡേറ്റ് ചെയ്യുന്ന വിവരം ആദ്യം തന്നോട് പറഞ്ഞതിനെക്കുറിച്ചും സോഹ ഓർത്തെടുത്തു. "ഞാൻ ഷൂട്ട് ചെയ്യുന്നതിനിടയിൽ സെയ്ഫ് എന്നെ വിളിക്കുകയും, 'എൻ്റെ കാമുകി നിങ്ങളേക്കാൾ രണ്ട് വയസ്സിന് ഇളയവളാണ്' എന്ന രീതിയിൽ പറയുകയും ചെയ്തത് ഞാൻ ഓർക്കുന്നു," സോഹ വിശദീകരിച്ചു. ഒരു സൂപ്പർസ്റ്റാറിനെ കാണുമ്പോൾ ചില മുൻധാരണകൾ ഉണ്ടാകാമെങ്കിലും, ഒരാളെ നേരിൽ കാണുന്നതിന് മുമ്പ് അവരെ വിലയിരുത്തുന്ന ഒരാളല്ല താനെന്നും സോഹ പറയുന്നു.

സോഹയും കരീനയും തമ്മിലുള്ള ബന്ധം വളർത്തിയെടുക്കാൻ സമയമെടുത്തുവെന്നും അവർ പറയുന്നുണ്ട്. ബന്ധം ഉണ്ടാകുന്നതിന് സമയവും വിശ്വാസവും  ആവശ്യമായിരുന്നുവെന്നും കഴിഞ്ഞ 10-12 വർഷത്തിനിടയിൽ സംഭവിച്ച നിരവധി സംഭവങ്ങളാണ് തങ്ങളെ കൂടുതൽ അടുപ്പിച്ചതെന്നും സോഹ പറഞ്ഞു.