മിസിസ് ഇന്ത്യ വേൾഡ് വൈഡ് മത്സരത്തിൽ ഫൈനലിൽ മാറ്റുരയ്ക്കാൻ മലയാളിയും. കോഴിക്കോട് കുണ്ടായിത്തോട് സ്വദേശിനിയും സിഡ്നിയിലെ ഗവ. സെൻട്രൽ സ്റ്റേഷൻ പ്ലാറ്റ് ഫോം മാനേജരുമായിരുന്ന ശാരി വിമലാണ് മിസിസ് ഇന്ത്യ വേൾഡ് വൈഡ് സീസൺ-13-ന്റെ ഫൈനലിലേക്ക് യോഗ്യത നേടിയത്.

To advertise here,

കോഴിക്കോട് കേന്ദ്രീയവിദ്യാലയത്തിലായിരുന്നു പഠനം. എൻജിനിയറിങ് ബിരുദധാരിയായ ശാരി വിവാഹത്തിനുശേഷമാണ് സിഡ്നിയിലേക്കുപോയതും മോഡലിങ്ങിൽ സജീവമാകുന്നതും. മേയ് ഒന്നുമുതൽ ഏഴുവരെ ദുബായിലാണ് മത്സരം.

സ്ത്രീകളുടെയും കുട്ടികളുടെയും വിദ്യാഭ്യാസപ്രവർത്തനങ്ങളിലും സജീവമാണ് ശാരി. ഭർത്താവ്: വിമൽ. പരേതനായ ഹരീന്ദ്രനാഥിന്റെയും ശ്യാമയുടെയും മകളാണ്.