മൂന്ന് സിനിമാ കുടുംബങ്ങള്‍ ഒരുമിച്ച് കൂടിയതിന്റെ ചിത്രം പങ്കുവെച്ച് നടി കാവ്യ മാധവന്‍. ദിലീപ്, നരേന്‍, മീരാ ജാസ്മിന്‍ എന്നിവരുടെ കുടുംബാംഗങ്ങളാണ് ഒരു വീട്ടില്‍ ഒത്തുചേര്‍ന്നത്.
'മുന്‍കൂട്ടി തീരുമാനിക്കാതെ ഒരുമിച്ചു കൂടി അവിസ്മരണീയമായ നിമിഷങ്ങളായി മാറിയ ഒത്തുചേരല്‍'- എന്ന ക്യാപ്ഷനോടെയാണ് കാവ്യ ചിത്രം പോസ്റ്റ് ചെയ്തത്. ദിലീപ്, കാവ്യാ മാധവന്‍, മകള്‍ മഹാലക്ഷ്മി, നരേന്‍, ഭാര്യ മഞ്ജു ഹരിദാസ്, മക്കളായ തന്മയ, ഓംകാര്‍, മീരാ ജാസ്മിന്‍, അമ്മ ഏലിയാമ്മ ജോസഫ്, സഹോദരിമാരായ ജെനി സൂസന്‍ ജോസഫ്, ജിബി സാറ ജോസഫ്, ജിബിയുടെ മകള്‍ എന്നിവരെ ചിത്രങ്ങളില്‍ കാണാം.
എല്ലാവരും ഒരു ടേബിളിന് ചുറ്റും നില്‍ക്കുന്നതാണ് ചിത്രത്തിലുള്ളത്. മീരാ ജാസ്മിന്റെ സഹോദരിമാരുടെ അടുത്താണ് മഹാലക്ഷ്മി ഇരിക്കുന്നത്. നിര്‍മാതാവ് രഞ്ജിത് മണംബ്രക്കാട്ടിനേയും ചിത്രത്തില്‍ കാണാം. നരേനും മീരാ ജാസ്മിനും ഒന്നിച്ചെത്തിയ 'ക്വീന്‍ എലിസബത്ത്' എന്ന ചിത്രത്തിന്റെ നിര്‍മാതാവാണ് രഞ്ജിത്.
ഒരു മാസം മുമ്പാണ് മീരയുടെ അച്ഛന്‍ ജോസഫ് ഫിലിപ്പ് മരിച്ചത്. അന്ന് ദിലീപ് ഉള്‍പ്പെടെയുള്ള താരങ്ങള്‍ മീരയുടെ വീട്ടില്‍ ആശ്വാസവാക്കുകളുമായെത്തിയിരുന്നു. വി.കെ പ്രകാശ് സംവിധാനം ചെയ്യുന്ന 'പാലും പഴവും' എന്ന ചിത്രത്തിലാണ് മീര ഇപ്പോള്‍ അഭിനയിക്കുന്നത്.
Content Highlights: dileep kavya madhavan narain meera jasmine re union photo
Published: 15 May 2024, 10:12 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented