നടന് ശബരിനാഥിന്റെ രണ്ടാം ചരമവാര്ഷിക ദിനത്തില് ഓര്മക്കുറിപ്പുമായി സുഹൃത്തും നടനുമായ സാജന് സൂര്യ. 2018-ലെ റഷ്യന് യാത്രക്കിടയില് എടുത്ത ശബരിനാഥിന്റെ വീഡിയോയോടൊപ്പമാണ് സാജന് സൂര്യ ഓര്മക്കുറിപ്പ് പങ്കുവെച്ചത്.
ആ വീഡിയോയിലെ 'സാജാ' എന്ന വിളി കേള്ക്കുമ്പോള് ശബരി ഇപ്പോഴും കൂടെയുണ്ടെന്ന് തോന്നുമെന്ന് സാജന് ഫെയ്സ്ബുക്ക് കുറിപ്പില് പറയുന്നു. 'രണ്ട് വര്ഷം പോയത് അറിഞ്ഞു. ഈ വീഡിയോ ഞങ്ങള് 2018 മെയ് മാസം കുടുംബത്തോടൊപ്പം റഷ്യയില് പോയപ്പോ എടുത്തതാ. ഇതില് ചെറുതായി സ്ഥിരം എന്നെ വിളിക്കണതു പോലെ സാജാ.. .എന്നൊരു വിളി ഉണ്ട്. അത് കേള്ക്കുമ്പോ കൂടെയുണ്ടന്നൊരു വിശ്വാസം വരും.'-സാജന് കുറിച്ചു.
2020 സെപ്റ്റംബര് 17ന് ഹൃദയാഘാതത്തെ തുടര്ന്നായിരുന്നു ശബരീനാഥിന്റെ അന്ത്യം. കൂട്ടുകാര്ക്കൊപ്പം ഷട്ടില് ബാഡ്മിന്റണ് കളിക്കുന്നതിനിടെ കുഴഞ്ഞുവീഴുകയായിരുന്നു. 43 വയസ്സായിരുന്നു. പാടാത്ത പൈങ്കിളി എന്ന സീരിയലിലാണ് ഒടുവിലായി ശബരീനാഥ് അഭിനയിച്ചത്. സ്വാമി അയ്യപ്പന്, സ്ത്രീപഥം എന്നീ സീരിയലുകളിലും അഭിനയിച്ചിട്ടുണ്ട്.
Content Highlights: actor sajan soorya on sabarinath second death anniversary
Published: 17 Sept 2022, 02:19 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented