ബ്രിട്ടീഷ് സൂപ്പര്‍ മോഡലും സംരംഭകയുമായ കേറ്റ് മോസിന്റെ മകള്‍ ലിലാ മോസ് ആണ് ഇപ്പോള്‍ വാര്‍ത്തകളില്‍ നിറയുന്നത്. മിലാന്‍ ഫാഷന്‍ വീക്കില്‍ പത്തൊമ്പതുകാരിയായ ലിലയും ചുവടുവച്ചിരുന്നു. ഇന്‍സുലിന്‍ പമ്പ് ഘടിപ്പിച്ച് ലില റാംപില്‍ പ്രത്യക്ഷപ്പെട്ടതാണ് ചിത്രങ്ങള്‍ വൈറലാകാന്‍ കാരണം.
ടൈപ് 1 ഡയബറ്റിക് സ്ഥിരീകരിച്ചിട്ടുള്ള ലില ഒംനിപോഡ്( വയർലെസ് ഇന്‍സുലിന്‍ മാനേജ്‌മെന്റ് സിസ്റ്റം) ഘടിപ്പിച്ചാണ് വേദിയിലെത്തിയത്. ഇടത്തേ തുടയില്‍ ഇന്‍സുലിന്‍ പമ്പുമായി വേദിയില്‍ പ്രത്യക്ഷപ്പെട്ട ലിലയെ പ്രശംസിച്ച് നിരവധി പേരാണ് ചിത്രങ്ങള്‍ പങ്കുവെച്ചത്. അഭിമാനത്തോടെ ഇന്‍സുലിന്‍ പമ്പ് ഘടിപ്പിച്ചതിന് നന്ദി എന്നു പറഞ്ഞാണ് പലരും ചിത്രങ്ങള്‍ പങ്കുവെക്കുന്നത്.
പാന്‍ക്രിയാസ് ഇന്‍സുലിന്‍ കുറച്ച് ഉത്പാദിപ്പിക്കുകയോ അതല്ലെങ്കില്‍ തീരെ ഉത്പാദിപ്പിക്കാതിരിക്കുകയോ ചെയ്യുന്ന അവസ്ഥയാണ് ടൈപ് 1 ഡയബറ്റിസ്. ടൈപ് 1 ഡയബറ്റിസ് സ്ഥിരീകരിച്ചവരില്‍ പലരും ശരീരത്തിൽ ഘടിപ്പിക്കുന്ന ഇന്‍സുലിന്‍ പമ്പുകള്‍ ഉപയോഗിക്കാറുണ്ട്.
പേജറിന്റെ വലിപ്പത്തിലുള്ള ഉപകരണമാണ് ഇന്‍സുലിന്‍ പമ്പ്. പമ്പിനുള്ളില്‍ ഉള്ള റിസര്‍വോയറിലേക്ക് ഇന്‍സുലിന്‍ നിറയ്ക്കുന്നു. ഈ റിസര്‍വോയര്‍ ഒരു നേര്‍ത്ത കുഴലിലൂടെ ഉദരഭാഗത്തോ തുടയിലോ ഘടിപ്പിക്കുന്നു. പ്രോഗ്രാം ചെയ്യുന്ന അളവിലുള്ള ഇന്‍സുലിന്‍ തുടര്‍ച്ചയായി പമ്പ് ശരീരത്തിന് നല്‍കും.
Content Highlights: Kate Moss’ daughter Lila praised for walking the Milan runway wearing insulin pump
Published: 30 Sept 2021, 05:52 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented