'ഇന്സുലിന് കൃത്യമായി എടുത്തിട്ടും ഭക്ഷണകാര്യങ്ങള്‍ ശ്രദ്ധിച്ചിട്ടും രണ്ടുമാസമായി പ്രമേഹം കുറയുന്നില്ല'-ആറു വര്‍ഷമായി പ്രമേഹത്തിന് ഇന്‍സുലിനെടുക്കുന്ന വീട്ടമ്മ കഴിഞ്ഞ ദിവസം ആലപ്പുഴ മെഡിക്കല്‍ കോളേജ് ആശുപത്രി ഒ.പി.യില്‍ പരാതിയുമായെത്തി.
രോഗിയെയും അവരുപയോഗിച്ച ഇന്‍സുലിനും അതു സൂക്ഷിച്ച സാഹചര്യവും ഡോക്ടര്‍മാര്‍ പരിശോധിച്ചു. കനത്ത ചൂടുമൂലം ഇന്സുലിന് മോശമായതാണ് പ്രമേഹ നിയന്ത്രണം താളം തെറ്റാന്‍ കാരണമെന്നായിരുന്നു കണ്ടെത്തല്‍.
കുപ്പി തുറക്കാത്ത ഇന്സുലിന് ഫ്രിഡ്ജില്‍ (ഫ്രീസറിലൊഴികെ) സൂക്ഷിക്കണമെന്നും തുറന്നവ മുറിയില്‍ സൂക്ഷിച്ചാല്‍ മതിയെന്നുമാണ് ഇതുവരെ ഡോക്ടര്‍മാര്‍ പറഞ്ഞിരുന്നത്. എന്നാല്‍, ചൂട് കുത്തനെ കൂടിയതോടെ തുറന്ന ഇന്‍സുലിനും ഫ്രിഡ്ജില്‍ത്തന്നെ സൂക്ഷിക്കണമെന്നാണ് ഇപ്പോള്‍ ഡോക്ടര്‍മാര്‍ നല്‍കുന്ന നിര്‍ദേശം.
കനത്ത ചൂടില്‍ മുറിയില്‍ വെക്കുന്ന ഇന്‍സുലിന്റെ പ്രവര്‍ത്തനക്ഷമത കുറയുന്നതായാണു കണ്ടെത്തല്‍. നേരിട്ടു വെയിലേല്‍ക്കുന്ന ജനാലയ്ക്കരികില്‍ സൂക്ഷിച്ച ഇന്‍സുലിനാണ് ഇത്തരത്തില്‍ മോശമാകുന്നതിലേറെയും.
കുപ്പിതുറക്കാത്ത ഇന്സുലിന് രണ്ടുമുതുല്‍ എട്ടുവരെ ഡിഗ്രി സെല്‍ഷ്യസ് താപനിലയാണു വേണ്ടത്. തുറന്നവയ്ക്കു രണ്ടുമുതല്‍ 30 വരെ ഡിഗ്രി സെല്‍ഷ്യസും. എന്നാല്‍, പലയിടത്തും മുറിക്കുള്ളിലെ താപനില 30-നു മുകളിലായതിനാല്‍ ഉപയോഗിച്ചുതുടങ്ങിയ ഇന്‍സുലിനും ഫ്രിഡ്ജില്‍ സൂക്ഷിക്കുന്നതാണ് നല്ലതെന്ന് ആലപ്പുഴ മെഡിക്കല്‍ കോളേജ് ആശുപത്രി മെഡിസിന്‍ വിഭാഗം മേധാവി ഡോ. ബി. പദ്മകുമാര്‍ പറഞ്ഞു.
കാറില്‍ വെച്ചാല്‍ ഇന്സുലിന് പേന മോശമാകും
പ്രമേഹം നിയന്ത്രിക്കാനാകുന്നില്ലെന്നു പറഞ്ഞ് ഇന്സുലിന് പേന ഉപയോഗിക്കുന്ന ബാങ്കുദ്യോഗസ്ഥന്‍ അടുത്തിടെ ഡോക്ടറെ കാണാനെത്തി. അന്വേഷണത്തിനൊടുവില്‍ കാറിന്റെ ഡാഷ് ബോര്‍ഡിലാണ് അദ്ദേഹം ഇന്‍സുലിന്‍പേന സൂക്ഷിക്കുന്നതെന്നു മനസ്സിലായി. ചൂടുകൂടിയ ഇടമായതിനാല്‍ ഇന്സുലിന് പേന സൂക്ഷിക്കാന്‍ ഡാഷ് ബോര്‍ഡ് സുരക്ഷിതമല്ല. ചൂടുകാലത്ത് ഇന്സുലിന് പേനയും ഫ്രിഡ്ജില്‍ത്തന്നെ സൂക്ഷിക്കണമെന്നാണു ഡോക്ടര്‍മാര്‍ പറയുന്നത്.
Content Highlights: insulin loses some effectiveness when exposed to extreme temperatures
Published: 16 Apr 2024, 11:48 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented