ഹാർബർ മുക്കാളി അടിപ്പാത സമരം 150-ാം ദിവസം
പണിതടഞ്ഞ് സമരസമിതി പ്രതിഷേധം
ചോമ്പാല : മുക്കാളി ഹാർബർ റോഡിൽ ദേശീയപാതയിൽ അടിപ്പാത വേണമെന്ന ആവശ്യവുമായി ബന്ധപ്പെട്ട് കഴിഞ്ഞദിവസം കളക്ടറേറ്റിൽ നടന്ന ചർച്ചയുടെയും തുടർന്ന് നടത്തിയ സ്ഥലപരിശോധനയുടെയും തീരുമാനംവരാതെ സ്ഥലത്ത് റോഡ് പണി തുടങ്ങിയത് സമരസമിതി തടഞ്ഞു.
കഴിഞ്ഞ 150 ദിവസമായി അടിപ്പാത ആവശ്യപ്പെട്ട് പന്തൽകെട്ടി പ്രതിഷേധസമരം നടന്നുവരുകയാണ് ഇവിടെ. ഉച്ചയോടെ ജെ.സി.ബി.യും ലോറിയും വന്ന് മണ്ണെടുപ്പ് നടത്തുകയായിരുന്നു. വിവരമറിഞ്ഞ് കെ.കെ. രമ എം.എൽ.എ., ബ്ളോക്ക് പ്രസിഡൻറ് കോട്ടയിൽ രാധാകൃഷ്ണൻ, എൽ.ഡി.എഫ്. പഞ്ചായത്ത് കൺവീനർ എം.പി. ബാബു, ബ്ളോക്ക് അംഗം ജലജാ വിനോദ്, വാർഡ് അംഗം അനിത പിലാക്കണ്ടി, റോഡ് നിർമാണ കമ്പിനി പ്രതിനിധികൾ എന്നിവർ സ്ഥലത്തെത്തി.
അടിപ്പാതയെക്കുറിച്ച് തീരുമാനമാവാതെ പണിതുടങ്ങേണ്ട എന്ന നിലപാടിൽ എല്ലാവരും പിരിഞ്ഞുപോയി. തുടർന്ന് സമരപ്പന്തലിൽ നടന്ന യോഗത്തിൽ കെ.കെ. രമ, കോട്ടയിൽ രാധാകൃഷ്ണൻ, എം.വി. ബാബു, ജലജാ വിനോദ്, അനിത പിലാക്കണ്ടി, എം.വി. ജയപ്രകാശ്, എ. സുരേഷ് തുടങ്ങിയവർ സംസാരിച്ചു.
Published: 20 Nov 2026, 03:28 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented