വെജിറ്റബിൾ റോൾ
ആവശ്യമായ സാധനങ്ങൾ:
മൈദ : ഒരു കപ്പ്
സവാള ചെറുതായി അരിഞ്ഞത് : ഒന്ന്
കാബേജ് അരിഞ്ഞത് : അര കപ്പ്
വെളുത്തുള്ളി അരിഞ്ഞത് : ഒരു ടേബിൾസ്പൂൺ
കാരറ്റ് ചെറുതായി അരിഞ്ഞത് : ഒന്ന്
ബീൻസ് അരിഞ്ഞത് : അര കപ്പ്
മുളകുപൊടി : ഒരു ടീസ്പൂൺ
കുരുമുളകുപൊടി : കാൽ ടീസ്പൂൺ
സോയാസോസ് : ഒരു ടീസ്പൂൺ
വെളിച്ചെണ്ണ, ഉപ്പ്, വെള്ളം : ആവശ്യത്തിന്

To advertise here,

തയ്യാറാക്കുന്ന വിധം:

മൈദ ചപ്പാത്തിമാവിന്റെ പാകത്തിൽ കുഴച്ച് ചെറിയ ഉരുളകളാക്കി പരത്തിയെടുക്കണം.

ഒരു പാനിൽ വെളിച്ചെണ്ണ ചൂടാക്കി വെളുത്തുള്ളിയും സവാളയും വഴറ്റുക.

ഇതിലേക്ക് അരിഞ്ഞുവെച്ച പച്ചക്കറികൾ, മുളകുപൊടി, കുരുമുളകുപൊടി, സോയാസോസ്, ഉപ്പ് എന്നിവയും ചേർക്കുക.

മൂന്ന് മിനിട്ട് വേവിച്ചതിനുശേഷം തീ ഓഫ് ചെയ്യണം.

പരത്തിവെച്ചവയിൽ ഈ പച്ചക്കറി മിക്‌സ് വച്ച് രണ്ടറ്റവും മടക്കി റോൾ ചെയ്‌തെടുക്കാം.

ഇത് വെളിച്ചെണ്ണയിൽ വറുത്തെടുത്താൽ മതി. വെജിറ്റബിൾ റോൾ റെഡി.