ചീരകൊണ്ട് ഒരു കിടിലൻ പക്കോട; എളുപ്പം, രുചികരം

ആവശ്യമായ സാധനങ്ങൾ:
പച്ചച്ചീര : ഒരു കെട്ട്
സവാള അരിഞ്ഞത് : രണ്ട്
പച്ചമുളക് അരിഞ്ഞത് : ഒന്ന്
കടലമാവ് : അര കപ്പ്
അരിപ്പൊടി : കാൽ കപ്പ്
വെളുത്തുള്ളി-ഇഞ്ചി പേസ്റ്റ് : അര ടീസ്പൂൺ
മുളകുപൊടി : അര ടീസ്പൂൺ
വെളിച്ചെണ്ണ, ഉപ്പ് : ആവശ്യത്തിന്

തയ്യാറാക്കുന്ന വിധം

• ചീരയുടെ തണ്ട് കളഞ്ഞ് ഇല മാത്രം കഴുകി അരിഞ്ഞെടുക്കുക.
• വെളിച്ചെണ്ണ ഒഴികെയുള്ള ചേരുവകൾ ഒരു പാത്രത്തിൽ എടുത്ത് അൽപം വെള്ളം ചേർത്ത് ഇളക്കുക.
• ഇതിലേക്ക് അരിഞ്ഞെടുത്ത ചീരയും ചേർത്ത് നന്നായി ഇളക്കി അൽപനേരം മാറ്റിവെക്കുക.
• ഇതിൽ നിന്ന് കുറേശ്ശെ എടുത്ത് വെളിച്ചെണ്ണയിൽ ഇട്ട് നല്ല ബ്രൗൺനിറമാകുന്നതുവരെ വറുത്തുകോരുക. ചീര പക്കോട റെഡി.