ഒരു പ്ലാസ്റ്റിക് സോഫ്റ്റ് ഡ്രിങ്ക് കുപ്പി കയ്യിൽ വെച്ച് എന്തുചെയ്യണമെന്നറിയാതെ നിൽക്കുകയായിരുന്നു പത്തു വയസ്സുകാരൻ ആര്യൻ. അമ്മ അത് കുപ്പത്തൊട്ടിയിലേക്ക് എറിയാൻ തുനിഞ്ഞപ്പോൾ, അവനതു വാങ്ങി ജനൽപടിയിൽ വെച്ചു. കത്രികയെടുത്ത് ആ കുപ്പിയുടെ മധ്യഭാഗം മുറിച്ച്, ചുറ്റും പച്ചയും മഞ്ഞയും ചായങ്ങൾ പൂശി, അതിൽ കുറച്ച് മണ്ണു നിറച്ച് അവൻ ഒരു കുഞ്ഞു തുളസിത്തൈ നട്ടു. ആ മനോഹരമായ ചെടിച്ചട്ടി ഇപ്പോൾ ആരുടെയും മനംകവരും!

To advertise here,

കളഞ്ഞുപോകുന്ന വസ്തുക്കൾക്ക് പുതിയ ജീവൻ നൽകുന്ന ഈ കലാവിരുന്ന് കുട്ടികളിൽ സൃഷ്ടിപരമായ ചിന്തകൾ വളർത്താൻ ഏറെ സഹായിക്കും. പാഴായിപ്പോകുന്ന ഓരോ വസ്തുവിലും ഒളിച്ചിരിക്കുന്ന പുതിയ സാധ്യതകൾ കണ്ടെത്താൻ അവരെ പ്രാപ്തരാക്കുന്ന ചില കാര്യങ്ങൾ:

  • പഴയ എഗ് കാർട്ടനുകൾ പെയിന്റ് ചെയ്ത് മനോഹരമായ പൂക്കളോ ചിത്രശലഭങ്ങളോ ഉണ്ടാക്കാൻ കുട്ടികളെ പഠിപ്പിക്കാം. ഇത് അവരുടെ ക്രിയേറ്റിവിറ്റി വർദ്ധിപ്പിക്കും.
  • വീട്ടിൽ ഉപയോഗശൂന്യമായ തുണിപ്പടലുകളും വസ്ത്രങ്ങളും കൊണ്ട് ചെറിയ കൈസഞ്ചികളോ മേശവിരിപ്പുകളോ തുന്നിയെടുക്കാൻ കുട്ടികളെ ശീലിപ്പിക്കുന്നത് പരിസ്ഥിതി ബോധമുള്ള ഒരു തലമുറയെ വളർത്തിയെടുക്കാൻ സഹായിക്കും.
  • പഴയ പത്രക്കടലാസുകൾ മടക്കി ചെറിയ കവറുകളോ പൂക്കൂടുകളോ ഉണ്ടാക്കുന്നത് കുട്ടികളുടെ ഏകാഗ്രത കൂട്ടുകയും അവരുടെ സമയം ഉപകാരപ്രദമായി ചെലവഴിക്കാൻ സഹായിക്കുകയും ചെയ്യും.
  • കുട്ടികൾ മൂർച്ചയേറിയ കത്രികയോ പശയോ ഉപയോഗിക്കുമ്പോൾ മുതിർന്നവരുടെ മേൽനോട്ടം ഉറപ്പാക്കണം. നിർമ്മാണശേഷമുള്ള അവരുടെ കൊച്ചു പരീക്ഷണങ്ങളെ അഭിനന്ദിക്കാൻ മടിക്കരുതേ.