
കൊച്ചി: പാചകം ചെയ്യുന്നതിനിടെ സ്റ്റൗ പൊട്ടിത്തെറിച്ച് ശ്വാസകോശത്തില് പുക നിറഞ്ഞ് ഗുരുതരാവസ്ഥയിലായ 65-കാരിക്ക് പുതുജീവന്.
ആഹാരം പാചകം ചെയ്യുന്നതിനിടെയാണ് മണ്ണെണ്ണ സ്റ്റൗ പൊട്ടിത്തെറിച്ച് കോട്ടയം സ്വദേശിനിക്ക് അപകടം ഉണ്ടായത്. മുറിയില് തിങ്ങിനിറഞ്ഞ പുക ശ്വസിച്ച വീട്ടമ്മയെ അതീവ ഗുരുതരാവസ്ഥയിലാണ് കൊച്ചി അമൃത ആശുപത്രിയില് എത്തിച്ചത്. വിദഗ്ധ പരിശോധനയില് ശ്വാസകോശത്തില് പാലു പോലെയുള്ള വെളുത്ത ദ്രാവകം നിറയുന്ന പള്മണറി അള്വിയോളാര് പ്രോട്ടിനോസിസ് സ്ഥിരീകരിച്ചു. ഇത് നീക്കാന് അപൂര്വമായ ചികിത്സാരീതിയാണ് അമൃത ആശുപത്രിയിലെ ചീഫ് ഇന്റര്വെന്ഷനല് പള്മണോളജിസ്റ്റ് ഡോക്ടര് ടിങ്കു ജോസഫ് നടത്തിയത്.
40 ലിറ്ററോളം ഇളംചൂടുള്ള ഉപ്പുവെള്ളം ശ്വാസകോശത്തിലൂടെ കടത്തിവിട്ട് കഴുകി കളയുന്നതായിരുന്നു ചികിത്സ. ഇത് പല ആവര്ത്തി നടത്തിയപ്പോഴാണ് ശ്വാസകോശത്തില് അടിഞ്ഞുകൂടിയ ദ്രാവകം നീക്കിക്കളയാനായത്.
ശരീരത്തില് സര്ഫാക്ടന്റ് പ്രോട്ടീന് കൂടുതലായി ഉത്പാദിപ്പിക്കപ്പെടുമ്പോഴാണ് ശ്വാസകോശത്തില് ഇത്തരം ദ്രാവകം അടിഞ്ഞുകൂടുന്നതെന്നും ഡോ. ടിങ്കു ജോസഫ് പറഞ്ഞു. ഡോ. ശ്രീരാജ് നായര്, ഡോ. തുഷാര മഠത്തില്, എബിന് അഗസ്റ്റിന് എന്നിവരും ചികിത്സാ സംഘത്തിലുണ്ടായിരുന്നു.
Content Highlights: washing out the lungs rare treatment method
Published: 11 Jun 2025, 09:48 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented