നിങ്ങള്‍ക്ക് വീട്ടില്‍ തന്നെ തയ്യാറാക്കാനാവുന്ന രുചികരവും എളുപ്പവുമായ അഞ്ച് പാചകക്കുറിപ്പുകള്‍ പങ്കുവയ്ക്കുന്നു.
ചോക്കലേറ്റ് മില്‍ക്ക് ഷേക്ക് ക്രീപ്‌സ്
നിങ്ങളുടെ ചോക്ലേറ്റ് മില്‍ക്ക് ഷേക്കിനെ മധുരപലഹാരത്തിനും പ്രഭാതഭക്ഷണത്തിനും ഉത്തമമായ, ഗംഭീരമായ ചോക്ലേറ്റ് മില്‍ക്ക് ഷേക്ക് ക്രീപ്പാക്കി മാറ്റുക. ഒരു കപ്പ് ചോക്ലേറ്റ് മില്‍ക്ക് ഷേക്ക്, മാവ്, മുട്ട, ഉരുകിയ വെണ്ണ, ഒരു നുള്ള് ഉപ്പ് എന്നിവ മിനുസമാര്‍ന്നതാകുന്നതുവരെ യോജിപ്പിക്കുക. അതിനുശേഷം ആ മാവ് കുറച്ചുനേരം മാറ്റിവയ്ക്കുക ചെറുതായി എണ്ണ പുരട്ടിയ ചട്ടിയില്‍ മാവ് നേര്‍ത്തതും അതിലോലവുമായ ക്രേപ്പുകളായി പാചകം ചെയ്യുക. അവയില്‍ ന്യൂട്ടെല്ല, ഫ്രഷ് ഫ്രൂട്ട്സ്, പതപ്പിച്ച ക്രീം എന്നിവ നിറയ്ക്കുക, അതിനു ശേഷം അവ ആകര്‍ഷകമായി മടക്കുകയോ ചുരുട്ടുകയോ ചെയ്യുക. ഈ ക്രേപ്പുകള്‍ സുഗന്ധങ്ങളുടെയും ടെക്‌സ്ചറുകളുടെയും ആനന്ദകരമായ മിശ്രണമാണ്. ഇത് ചോക്ലേറ്റ് പ്രേമികള്‍ക്ക് അനുയോജ്യമായ ലഘുവും ആഹ്‌ളാദകരവുമായ ഒരു അപ്രതിരോധ്യമായ ട്രീറ്റാക്കി മാറുന്നു.
ബ്രൗണി ബ്ലിസ് ബോള്‍സ്
നിങ്ങളുടെ പ്രിയപ്പെട്ട ചോക്ലേറ്റ് മില്‍ക്ക് ഷേക്ക് ഉപയോഗിച്ചുള്ള രുചികരവും ലളിതവുമായ ട്രീറ്റായ ബ്രൗണി ബ്ലിസ് ബോള്‍സുമായി മധുര സ്വര്‍ഗത്തില്‍ ആറാടൂ. കൊക്കോ ഓട്സ്, പീനട്ട് ബട്ടര്‍, ഉപ്പ് എന്നിവയ്ക്കൊപ്പം ചോക്ലേറ്റ് മില്‍ക്ക് ഷെയ്ക്ക് യോജിപ്പിച്ചുകൊണ്ട് ആരംഭിക്കുക. മിശ്രിതം കടി വലിപ്പമുള്ള ഉരുളകളാക്കി ഉരുട്ടുക, എന്നിട്ട് ലോലമായ ഒരു അധിക പാളിയ്ക്കായി അവയെ ഉരുകിയ ചോക്ലേറ്റില്‍ മുക്കിയെടുക്കുക. ഏത് ചോക്ലേറ്റ് പ്രേമികള്‍ക്കും യോജിച്ച സമൃദ്ധവും ചവയ്ക്കാനാവുന്നതുമായ ഒരു മധുരപലഹാരമാകുന്നത് വരെ അത് തണുപ്പിക്കുക ഓരോ കടിയും സുഗന്ധങ്ങളുടെയും ടെക്‌സ്ചറുകളുടെയും ഒരു സ്വരൈക്യമാകുന്ന ഈ ബ്ലിസ് ബോളുകള്‍ നിങ്ങളുടെ ചോക്ലേറ്റ് ദിന ആഘോഷങ്ങള്‍ക്ക് അപ്രതിരോധ്യമായ ഒരു കൂട്ടിച്ചേര്‍ക്കലായി മാറുന്നു.
ചോക്കലേറ്റ് മില്‍ക്ക് ഷേക്ക് ടിറാമിസു
ചോക്ലേറ്റ് മില്‍ക്ക് ഷേക്ക് ടിറാമിസു ഉണ്ടാക്കി ചോക്ലേറ്റ് ട്വിസ്റ്റിനൊപ്പം ഒരു ഇറ്റാലിയന്‍ ക്ലാസിക്കില്‍ മുഴുകുക. ഒരു കപ്പ് മാസ്‌കാര്‍പോണ്‍ ചീസ്, അര കപ്പ് ഹെവി ക്രീം, കാല്‍ കപ്പ് പൊടിച്ച പഞ്ചസാര എന്നിവ മിനുസമാര്‍ന്നതും ക്രീമിയും ആകുന്നത് വരെ അടിച്ചുകൊണ്ടാണ് ഈ ഡെസേര്‍ട്ട് ആരംഭിക്കുന്നത്. ലേഡിഫിംഗര്‍ ബിസ്‌ക്കറ്റുകള്‍ സമൃദ്ധമായ ചോക്ലേറ്റ് മില്‍ക്ക് ഷേക്കില്‍ മുക്കുക, അവ നന്നായി നനവുള്ളതായെങ്കിലും കുതിരുന്നില്ലെന്ന് ഉറപ്പാക്കുക. ഈ നനവുള്ള ബിസ്‌ക്കറ്റുകള്‍ ഒരു സെര്‍വിംഗ് ഡിഷില്‍ വയ്ക്കുക, അതിനുശേഷം ക്രീം മാസ്‌കാര്‍പോണ്‍ മിശ്രിതത്തിന്റെ സമൃദ്ധമായ ഒരു പാളി പരത്തുക. പാളികള്‍ ആവര്‍ത്തിക്കുക, മാസ്‌കാര്‍പോണിന്റെ കട്ടിയുള്ള ഒരു പാളി ഉപയോഗിച്ച് പൂര്‍ത്തിയാക്കുക. മുകളില്‍ കൊക്കോ പൗഡര്‍ തൂവുക. വിളമ്പുന്നതിന് മുമ്പ് കുറഞ്ഞത് രണ്ട് മണിക്കൂര്‍ ഫ്രിഡ്ജില്‍ വയ്ക്കുക. ചോക്ലേറ്റ് സന്നിവേശിപ്പിച്ചിട്ടുള്ള ഈ ടിറാമിസു പരമ്പരാഗത ക്രീം, കോഫി സ്വാദുകളെ രുചികരമായ ഒരു ചോക്ലേറ്റ് ഡെപ്തുമായി സംയോജിപ്പിച്ച്, ചോക്ലേറ്റ് ദിനത്തിന് അനുയോജ്യമായ അപ്രതിരോധ്യവും സമ്പന്നവുമായ ഒരു ഡിസ്സേര്‍ട്ട് സൃഷ്ടിക്കുന്നു.
മോള്‍ട്ടന്‍ ചോക്ലേറ്റ് ലാവ കേക്ക്‌സ്
ഒരു ചാരുത സ്പര്‍ശത്തിനായി, രുചികരമായ ചോക്ലേറ്റ് മില്‍ക്ക് ഷേക്ക് ഉപയോഗിച്ച് തയ്യാറാക്കിയ മോള്‍ട്ടന്‍ ചോക്ലേറ്റ് ലാവ കേക്കുകള്‍ പരീക്ഷിക്കുക. മില്‍ക്ക് ഷേക്ക് റമെക്കിനുകളിലേക്ക് ഒഴിച്ച്, ഉരുകിയ ചോക്ലേറ്റ് അടങ്ങുന്ന മധ്യഭാഗത്തോടെ അരികുകള്‍ സെറ്റാകുന്നതുവരെ ബേക്ക് ചെയ്യുക. ഈ ആഡംബര ഡിസ്സേര്‍ട്ട് വാനില ഐസ്‌ക്രീമിന്റെ ഒരു സ്‌കൂപ്പുമായി തികച്ചും ജോടിയാവുകയും ഊഷ്മളതയുടെയും തണുപ്പിന്റെയും, ക്രീമിന്റെയും ഉരുകിയതിന്റെയും യോജിപ്പുള്ള ഒരു മിശ്രിതം സൃഷ്ടിക്കുകയും ചെയ്യുന്നു. നിങ്ങള്‍ കേക്കിന്റെ ഉള്ളിലേക്കെത്തുമ്പോള്‍, സമ്പന്നമായ ചോക്ലേറ്റ് സെന്റര്‍ പുറത്തേക്ക് ഒഴുകുന്നു, ഇത് ഈ ചോക്ലേറ്റ് ദിനത്തില്‍ നിങ്ങളുടെ മധുരപലഹാര താല്പര്യത്തെ ആകര്‍ഷിക്കുകയും തൃപ്തിപ്പെടുത്തുകയും ചെയ്യുമെന്ന് തീര്‍ച്ചയാണ്.
ഫ്രോസണ്‍ ചോക്ലേറ്റ് മൂസ്സ് പാര്‍ഫൈറ്റ്‌സ്
ഉന്മേഷദായകവും എന്നാല്‍ സൗമ്യവുമായ ഒരു ട്രീറ്റായ ഫ്രോസണ്‍ ചോക്ലേറ്റ് മൂസ്സ് പാര്‍ഫൈറ്റുകള്‍ ഉപയോഗിച്ച് കുളിരണിയൂ. കട്ടിയുള്ള ക്രീം അടിച്ച് പതം വരുത്തുക, തുടര്‍ന്ന് ചോക്ലേറ്റ് മില്‍ക്ക് ഷേക്കില്‍ സാവധാനം മടക്കി, ലോലവും വായുനിറഞ്ഞതുമായ ഒരു മൂസ്സ് സൃഷ്ടിക്കുക. നുറുക്കിയ കുക്കികള്‍, ശുദ്ധമായ ബെറികള്‍, ചോക്ലേറ്റ് സോസ് എന്നിവ ഉപയോഗിച്ച് ഒരു ഗ്ലാസില്‍ ഈ മിശ്രിതം പാളിയാക്കുക. ഓരോ സ്പൂണും ക്രീമിയായ മൂസ്സ്, ക്രഞ്ചി കുക്കികള്‍, ജ്യൂസിയായ ബെറികള്‍ എന്നിവയുടെ ഉത്തമമായ സന്തുലിതാവസ്ഥ പ്രദാനം ചെയ്തുകൊണ്ട്, അതിനെ ആസ്വാദ്യമായ ഒരു മധുരപലഹാരമാക്കി മാറ്റുന്നു. കാണാന്‍ മനോഹരമാണെന്നു മാത്രമല്ല, അവിശ്വസനീയമാം വിധം രുചികരവുമായ ഈ പര്‍ഫെയ്റ്റുകള്‍ നിങ്ങളുടെ ചോക്ലേറ്റ് മില്‍ക്ക് ഷേക്ക് ആസ്വദിക്കാനുള്ള ഒരു നൂതന മാര്‍ഗം വാഗ്ദാനം ചെയ്യുന്നു.
ഈ ചോക്ലേറ്റ് ദിനത്തില്‍, ചോക്ലേറ്റിനോടുള്ള നിങ്ങളുടെ പ്രിയം നൂതനവും ആഹ്ലാദദായകവുമായ ഈ അഞ്ച് ചോക്ലേറ്റ് മില്‍ക്ക് ഷേക്ക് അധിഷ്ഠിത പാചകക്കുറിപ്പുകള്‍ക്കൊപ്പം കേന്ദ്രസ്ഥാനം അലങ്കരിക്കട്ടെ.
(വിവരങ്ങള്‍ക്ക് കടപ്പാട്: KG Mallikeswaran, Business Head - Ambient Dairy and Beverages, Cavin Kare)
Content Highlights: chocolate milkshake recipe
Published: 08 Jul 2024, 10:49 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented