തിരുവനന്തപുരം: തിരുവനന്തപുരം കോർപ്പറേഷനിലെ ബിജെപിയുടെ മേയര്‍ സ്ഥാനാര്‍ഥിയായി കണക്കാക്കുന്ന ആര്‍. ശ്രീലേഖ ശാസ്തമംഗലത്ത വിജയിച്ചതിനു പിന്നാലെ മാതൃഭൂമി ന്യൂസിനോട് പ്രതികരിച്ചു. ജനങ്ങളെ സേവിക്കാന്‍ കിട്ടിയ അവസരത്തില്‍ ആദ്യ ദിവസം മുതല്‍ അഴിമതിരഹിത ഭരണമായിരിക്കുമെന്ന് മുന്‍ ഡിജിപി കൂടിയായ ശ്രീലേഖ ഐപിഎസ് പറഞ്ഞു.
ബിജെപിയുടെ ആദ്യ വനിതാ മേയറാകുമോ എന്നത് ബിജെപി നേതൃത്വമാണ് തീരുമാനിക്കുന്നതെന്നും താന്‍ വിജയത്തില്‍ സന്തോഷിക്കുകയാണെന്നും ശ്രീലേഖ പറഞ്ഞു.
ശാസ്തമംഗലത്ത് എല്‍ഡിഎഫിന്റെ യുവ സ്ഥാനാര്‍ഥി അമൃത ആറിനേയാണ് ശ്രീലേഖ പരാജയപ്പെടുത്തിയത്.
മേയര്‍ സ്ഥാനത്തേക്ക് പരിഗണിക്കപ്പെട്ടേക്കാവുന്ന വി.വി. രാജേഷ്ുംു വിജയിച്ചിട്ടുണ്ട്. കൊടുങ്ങാനൂർ വാർഡിൽ നിന്നാണ് മുന്‍ ജില്ലാ പ്രസിഡന്റും നിലവിലെ കൗൺസിലറുമായ രാജേഷിന്റെ വിജയം.
കവടിയാറില്‍ യുഡിഎഫിന്റെ മേയര്‍ സ്ഥാനാര്‍ഥി കെ.എസ്. ശബരീനാഥനും വിജയിച്ചിട്ടുണ്ട്.
തൈക്കാട് വാര്‍ഡില്‍ എല്‍ഡിഎഫ് സ്ഥാനാര്‍ഥി ജി. വേണുഗോപാല്‍ വിജയിച്ചു. എ. സമ്പത്തിന്റെ സഹോദരന്‍ എ. കസ്തൂരിയായിരുന്നു ഇവിടെ ബിജെപി സ്ഥാനാര്‍ഥി. ചാക്ക വാര്‍ഡില്‍ മുന്‍ മേയര്‍ കെ. ശ്രീകുമാര്‍ വിജയിച്ചു.
ജഗതി വാര്‍ഡില്‍ നടനും കേരളാ കോണ്‍ഗ്രസ് ബി നേതാവുമായ പൂജപ്പുര രാധാകൃഷ്ണന്‍ പരാജയപ്പെട്ടു. ബിജെപി സ്ഥാനാര്‍ഥിയാണ് ഇവിടെ വിജയിച്ചത്.
ഉള്ളൂരില്‍ കോണ്‍ഗ്രസിന്റെ മുതിര്‍ന്ന നേതാവ് ജോണ്‍സണ്‍ ജോസഫ് തോറ്റു. എല്‍ഡിഎഫിന്റെ ലിജു. എസ്. ആണ് ഇവിടെ വിജയിച്ചത്.
കണ്ണമ്മൂല വാര്‍ഡില്‍ സ്വതന്ത്ര സ്ഥാനാര്‍ഥി പാറ്റൂര്‍ രാധാകൃഷ്ണന്‍ വിജയിച്ചു. പ്രസ് ക്ലബ് മുന്‍ സെക്രട്ടറിയാണ് രാധാകൃഷ്ണന്‍.
പട്ടത്ത് തൃപ്തി രാജ് തോറ്റു. നിലവിലെ ഡെപ്യൂട്ടി മേയര്‍ എസ്. രാജുവിന്റെ മകളാണ് തൃപ്തി രാജു. യുഡിഎഫ് സ്ഥാനാര്‍ഥി രേഷ്മ സിയാണ് ഇവിടെ വിജിച്ചത്.
വഞ്ചിയൂരില്‍ എല്‍ഡിഎഫ് സ്ഥാനാര്‍ഥി വഞ്ചിയൂര്‍ ബാബു വിജയിച്ചു. എല്‍ഡിഎഫ് ഭരണത്തിലെത്തിയാല്‍ മേയര്‍ സ്ഥാനത്തേക്ക് വരെ പരിഗണിക്കാന്‍ സാധ്യതയുള്ള നേതാവാണ്. കഴിഞ്ഞ തവണ വനിതാ സംവരണായിരുന്നപ്പോള്‍ മകള്‍ ഗായത്രി ബാബുവായിരുന്നു ഇവിടെ കൗണ്‍സിലര്‍.
എകെജി പഠനഗവേഷണ കേന്ദ്രം നിലനില്‍ക്കുന്ന കുന്നുകുഴിയില്‍ കോണ്‍ഗ്രസിന്റെ മേരി പുഷ്പം വിജയിച്ചു. സിപിഎം പാളയം ഏരിയ കമ്മിറ്റി അംഗമായ ഐ.പി. ബിനുവിനെയാണ് ഇവിടെ പരാജയപ്പെടുത്തിയത്. തലസ്ഥാനത്തെ പ്രധാന നേതാക്കളില്‍ ഒരാളാണ് ബിനു. പുതിയ എല്‍ഡിഎഫ് സെന്റര്‍ സ്ഥിതി ചെയ്യുന്ന പാളയം വാര്‍ഡിലും എല്‍ഡിഎഫ് സ്ഥാനാര്‍ഥി പരാജയപ്പെട്ടിരുന്നു.
Published: 13 Dec 2025, 02:54 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented