ഐസ്വാള്‍: തിരഞ്ഞെടുപ്പ് പ്രചാരണത്തിനെത്തുന്ന പ്രധാനമന്ത്രി നരേന്ദ്ര മോദിക്കൊപ്പം വേദി പങ്കിടില്ലെന്ന് മിസോറം മുഖ്യമന്ത്രി സൊറംതങ്ക. ഒക്ടോബര്‍ 30-ന് മിസോറമിന്റെ പടിഞ്ഞാറന്‍ നഗരമായ മാമിത്തില്‍ മോദി സന്ദര്‍ശനത്തിനെത്തുമെന്നാണ് കരുതുന്നത്. ബി.ജെ.പി.യുടെ തിരഞ്ഞെടുപ്പ് പ്രചാരണത്തിനായാണ് മോദിയെത്തുക.
'മിസോറമിലെ ജനങ്ങളെല്ലാം ക്രൈസ്തവരാണ്. മണിപ്പുരില്‍ മെയ്ത്തികള്‍ നൂറുകണക്കിന് ചര്‍ച്ചുകള്‍ കത്തിച്ചപ്പോള്‍ മിസോകള്‍ മുഴുവന്‍ അതിനെതിരായിരുന്നു. ഈ സമയത്ത് ബി.ജെ.പി.യോട് അനുഭാവം പുലര്‍ത്തുക എന്നത് എന്റെ പാര്‍ട്ടിക്ക് വലിയ മൈനസ് പോയിന്റായിരിക്കും'- ബി.ബി.സി.ക്ക് നല്‍കിയ അഭിമുഖത്തില്‍ സൊറംതങ്ക പറഞ്ഞു.
മിസോറമില്‍ അധികാരത്തിലിരിക്കുന്ന പാര്‍ട്ടിയാണ് സൊറംതങ്കയുടെ നേതൃത്വത്തിലുള്ള എം.എന്‍.എഫ്. കേന്ദ്രത്തില്‍ ബി.ജെ.പി.യുമായി സഖ്യമുള്ള എം.എന്‍.എഫിന് സംസ്ഥാനതലത്തില്‍ സഖ്യമില്ല. നവംബര്‍ ഏഴിനാണ് മിസോറം തിരഞ്ഞെടുപ്പ്. ഡിസംബര്‍ മൂന്നിന് വോട്ടെണ്ണല്‍.
Content Highlights: won't share stage with pm modi when he comes to campaign, mizoram cm
Published: 24 Oct 2023, 06:36 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented