കൊച്ചി: കളമശ്ശേരി നുവാല്‍സില്‍ പതിനേഴാമത് ബിരുദദാന ചടങ്ങ് ശനിയാഴ്ച നടന്നു. ബി.എ എല്‍.എല്‍.ബി, എല്‍.എല്‍.എം, പിഎച്ച്.ഡി എന്നീ വിഭാഗങ്ങളിലായി ആകെ 125 പേര്‍ക്കാണ് ബിരുദ സര്‍ട്ടിഫിക്കറ്റ് വിതരണം ചെയ്തത്. മുഖ്യാതിഥി സുപീം കോടതി ജഡ്ജിയും നുവാല്‍സ് വിസിറ്ററുമായ ജസ്റ്റിസ് ശുധാന്‍ശു ധൂലിയ ബിരുദദാന പ്രസംഗം നടത്തുകയും മികച്ച വിദ്യാർഥികൾക്ക് മെഡലുകൾ സമ്മാനിക്കുകയും ചെയ്തു. നുവാല്‍സ് ചാന്‍സലറും കേരള ഹൈക്കോടതി ചീഫ് ജസ്‌റിസുമായ ജസ്റ്റിസ് എ.ജെ ദേശായി ബിരുദ വിതരണം നിര്‍വഹിച്ചു. 70 വിദ്യാര്‍ഥികള്‍ ബി.എ എല്‍.എല്‍.ബി യും 53 പേര്‍ എല്‍.എല്‍.എമ്മും രണ്ടു പേര്‍ പി.എച്ച്ഡി യും നേടി.
വൈസ് ചാന്‍സലര്‍ ജസ്റ്റിസ് എസ് സിരി ജഗന്‍ സ്വാഗതം ചെയ്യുകയും റിപ്പോര്‍ട്ട് അവതരിപ്പിക്കുകയും ചെയ്തു. ഹൈബി ഈഡന്‍ എം പി, ഹൈക്കോടതി ജഡ്ജി ജസ്റ്റിസ് അനില്‍ .കെ.നരേന്ദ്രന്‍, അഡ്വക്കേറ്റ് ജനറല്‍ കെ. ഗോപാലകൃഷ്ണ കുറുപ്പ്, സ്റ്റേറ്റ് അറ്റോര്‍ണി എന്‍ മനോജ് കുമാര്‍ എന്നിവരും എക്‌സിക്യൂട്ടീവ് കൗണ്‍സില്‍, ജനറല്‍ കൌണ്‍സില്‍, അക്കാഡമിക് കൗണ്‍സില്‍ അംഗങ്ങളും രജിസ്ട്രാര്‍ ഡോ.ലിന അക്ക മാത്യുവും പങ്കെടുത്തു. ചടങ്ങില്‍ എന്‍ഡോവ്‌മെന്റ് അവാര്‍ഡുകളും വിതരണം ചെയ്തു.
Content Highlights: Nuals convocation 2024
Published: 06 Jan 2024, 03:45 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented