തിരുവനന്തപുരം: കേരള ക്രിക്കറ്റ് അസോസിയേഷന് കോച്ച് മനുവിനെതിരായ പീഡനക്കേസില് പരാതി നല്കിയ ആളുടെ ഇ-മെയില് അക്കൗണ്ട് ഹാക്ക് ചെയ്തതായി സംശയം. ക്രിക്കറ്റ് കോച്ച് മനുവിനെതിരേ പരാതി നല്കിയ ഒരു രക്ഷിതാവിന്റെ ഇ-മെയില് അക്കൗണ്ടാണ് ഹാക്ക് ചെയ്തതായി സംശയിക്കുന്നത്. മനുവിനെതിരേ കേരള ക്രിക്കറ്റ് അസോസിയേഷനും ജില്ലാ ക്രിക്കറ്റ് അസോസിയേഷനും അയച്ച പരാതികളെല്ലാം ഇ-മെയില്നിന്ന് നീക്കംചെയ്തനിലയിലാണെന്ന് ഇദ്ദേഹം പ്രതികരിച്ചു.
കെ.സി.എ.യ്ക്കും ജില്ലാ ക്രിക്കറ്റ് അസോസിയേഷനും ഇ-മെയില് വഴി അയച്ച പരാതികളെല്ലാം ഡിലീറ്റ് ചെയ്തിട്ടുണ്ട്. ഇതിനൊപ്പം 'സെന്ഡ് മെയില്' ഫോള്ഡറില്നിന്ന് ഫെബ്രുവരി മുതല് ജൂണ് വരെയുള്ള കാലയളവിലെ എല്ലാ ഇ-മെയിലുകളും ഡിലീറ്റ് ചെയ്തനിലയിലാണ്. ട്രാഷ് ഫോള്ഡറില്നിന്നും എല്ലാ മെയിലുകളും നീക്കംചെയ്തിട്ടുണ്ട്. മറ്റൊരു ഡിവൈസില്നിന്ന് ഇ-മെയില് തുറന്നിട്ടാണ് ഇത് ചെയ്തതെന്നാണ് സംശയിക്കുന്നത്. സംഭവത്തില് സൈബര് സെല്ലിലും കമ്മീഷണര്ക്കും പരാതി നല്കിയിട്ടുണ്ടെന്നും രക്ഷിതാവ് മാതൃഭൂമി ന്യൂസിനോട് പറഞ്ഞു.
Also Read
ക്രിക്കറ്റ് പരിശീലനത്തിന്റെ മറവില് പ്രായപൂര്ത്തിയാകാത്ത പെണ്കുട്ടികളെ അടക്കം പീഡിപ്പിച്ചതായാണ് മനുവിനെതിരായ പരാതി. പെണ്കുട്ടികളുടെ നഗ്നചിത്രങ്ങള് പകര്ത്തിയതിനും ഇയാള്ക്കെതിരേ കേസുണ്ട്. ആറ് പരാതികളിലാണ് നിലവില് മനുവിനെതിരേ പോലീസ് കേസെടുത്തിരിക്കുന്നത്. ഇതിനിടെ കൂടുതല്പേര് പ്രതിക്കെതിരേ ആരോപണങ്ങളുമായി രംഗത്തെത്തിയിരുന്നു. പ്രതി നിലവില് റിമാന്ഡിലാണ്.
Content Highlights: sexual assault case against kca cricket coach manu complainant suspects e mail hacking
Published: 08 Jul 2024, 02:58 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented