കോതമംഗലം: പുതുപ്പാടിയില്‍ പറമ്പിലെ പാമ്പിനെ കാണിച്ചുകൊടുക്കാമെന്നുപറഞ്ഞ് മുറ്റത്തിറക്കിയ വയോധികയുടെ മാല പൊട്ടിച്ച് കടന്നുകളഞ്ഞ ബംഗാള്‍ സ്വദേശി പിടിയില്‍. മാല പൊട്ടിക്കുന്നതിനിടെ മുറ്റത്തെ ടൈലില്‍ തലയടിച്ചു വീണ വയോധികയ്ക്ക് പരിക്ക്.
പുതുപ്പാടി സ്‌കൂളിനു സമീപം വാഴാട്ടില്‍ ഏലിയാമ്മയുടെ (82) ഒന്നര പവന്റെ സ്വര്‍ണമാലയാണ് കവര്‍ന്നത്. ചൊവ്വാഴ്ച വൈകീട്ട് 6-നാണ് സംഭവം. ബംഗാള്‍ മുര്‍ഷിദാബാദ് പര്‍ബോ ബാര്‍ദമാം സ്വദേശി ഹസ്മത്ത് (27) ആണ് പോലീസിന്റെ പിടിയിലായത്.
വീടിന്റെ സിറ്റൗട്ടില്‍ ഉണ്ടായിരുന്ന വീട്ടമ്മയുടെ സമീപം എത്തി പറമ്പില്‍ പാമ്പുണ്ടെന്നുപറഞ്ഞ് യുവാവ് കൈചൂണ്ടി കാണിക്കുന്നിടത്തേക്ക് ഏലിയാമ്മയുടെ ശ്രദ്ധ പോയ ഞൊടിയിടയ്ക്കിടെ മാലപൊട്ടിച്ച് ഓടി മറഞ്ഞു. മാല പൊട്ടിക്കുന്നതിനിടെ തലയുടെ പിന്‍ഭാഗം ഇടിച്ച് വീണ വയോധികയുടെ നിലവിളി കേട്ട് ആളുകള്‍ ഓടിയെത്തിയെങ്കിലും മോഷ്ടാവിനെ കണ്ടെത്താനായില്ല.
മുറ്റത്ത് ടൈല്‍പാകിയ ഇടത്തേക്കുവീണ് പരിക്കേറ്റ വീട്ടമ്മയെ ആശുപത്രിയില്‍ പ്രവേശിപ്പിച്ചു. വീട്ടിലെ സിസിടിവിയില്‍ സംഭവത്തിന്റെ ദൃശ്യം പതിഞ്ഞിരുന്നു. പോലീസ് എത്തി സിസിടിവി പരിശോധിച്ച് രാത്രി 9.30-ന് മൂവാറ്റുപുഴ ഭാഗത്തുനിന്ന് പ്രതിയെ കസ്റ്റഡിയിലെടുത്തു.
Content Highlights: A thief in Kothamangalam, Kerala, stole a gold chain from an elderly woman by luring her with the promise of showing her a snake. The incident was captured on CCTV, leading to the swift arrest of the accused
Published: 22 Oct 2025, 07:41 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented